• Һасан-һүсән
• 19 Наурыз, 2019

Сизниң сөйүмлүк шаириңиз

Мирзәхмәт МЕРИМОВ Салам, ғунчиләр! Балилар! Әссалам, һаятимиз ғунчилири, Ана жутниң – Вәтәнниң үнчилири. Силәр барда һаятлиқ гүллиниду, Силәрдин шатлиқ, күлкә чечилиду. Балилар! Әссалам, арзу-үмүт юлтузлири, Силәр қияс яшниған гүлзарлиққа. Силәр билән йоруқ күндүз-кечилири, Силәр қияс яшниған бостан-баққа. Балилар! Силәрғу парлап янған чириғимиз, Силәрғу өмүрдики қизиғимиз. Балиниң балилиқ шох қилиғиға, Һәвәс билән қараймиз барлиғимиз. Балилар инсанларниң келәчиги, Ата-ана тилиги – һаят изи. Һаятлиқ мәңгү яшнап-гүлләп турар, Билим билән өссә бәрна оғул-қизи. Балилар Балилар, һәй, балилар, Гөдәк, омақ балилар. Ата-ана амриғи, Көңүлләрниң йоруғи. Балилар, һәй, балилар, Һәр өйниң нур-чириғи. Тинич турмас бирдәмму, Шунчә татлиқ қилиғи. Балилар, һәй, балилар, Путуң, тилиң һармайду. Шохлуқ қилар – әркиләр, «Қой!» десәңму қоймайду. Балилар, һәй, балилар, Қизиқ көрәр һәммини. Тутуп, көрүп һәйранә, Тетип көрәр тәмини. Балилар, һәй, балилар, Силәр билән өй базар. Әр йетип әшу балилар, Йеңи тарихни язар.