• Җәмийәтлик тәшкилатларда
• 19 Наурыз, 2019

Студентлар үчүн бәйнәлмиләл муһит

Қазақстан хәлқи Ассамблеясиниң Илмий-экспертлиқ кеңишигә бийил 10 жил толиду. Кеңәш алимлири һәрбир қазақстанлиқта мәмликәттики өзгиришләр җәрияниға мунасивәтлик болуш туйғусини шәкилләндүрүш һәм күчәйтиш бойичә йеңи яндишишларни ишләп чиқишқа қатнишиватиду. ҚХА Рәисиниң орунбасари – Қазақстан Җумһурийитиниң Президенти Мәмурийити ҚХА Кативатиниң мудири Жансейит Түймебаев әл-Фараби намидики ҚазМУ ҚХА Хәлиқара илмий-билим бериш мәркизиниң алимлири вә Алмута шәһәрлик ҚХА Илмий-экспертлиқ топиниң әзалири билән болған учришишта юбилейға бағлиқ хәлиқара илмий-әмәлий конференцияни өткүзүшниң көздә тутулуватқанлиғини хәвәр қилди. У шундақла Ассамблеяниң Дөләт рәһбириниң ҚХА алдиға қойған вәзипиләрни чүшәндүрүшниң вә уларни әмәлгә ашурушниң тоғра яндишишлирини нәтиҗидарлиқ ишләп чиқиш үчүн йетәрлик илмий иқтидарға егә екәнлигини тәкитлиди. – Әң муһими – уларни аһалиға йәткүзүш, аһалиниң һал-оқити төвән қатламлирини вә көпбалилиқ аниларни қоллап-қувәтләш бойичә дөләт тәрипидин көрүлүватқан чариләрни ениқ чүшәндүрүш, – дәп давамлаштурди ҚХА Рәисиниң орунбасари. – Һазир иҗтимаий йеңилаш диққәт мәркизидә туруватиду. Дөләт рәһбири бирқатар муһим иҗтимаий тәшәббусларни тәклип қилип, йеңи әвзәлликләрни оттуриға қоюватиду. Силәр, алим вә эксперт сүпитидә, һәрқандақ дөләтниң турақлиқ ихтисадий тәрәққиятни җәмийәттики разимәнлик вә течлиқсиз қолға кәлтүрүшниң мүмкин әмәслигини яхши чүшинисиләр. Он йәттә регионлуқ илмий-экспертлиқ топ Илмий-экспертлиқ кеңәш билән бирликтә Ассамблеяниң илмий иқтидарини тәшкил қилиду. Уларниң паалийитигә 57 пән доктори, 117 пән намзити, 5 PhD доктори җәлип қилинған. Мәмликәтниң йетәкчи университетлирида ҚХАниң 42 мәркизи вә кафедриси ишләватиду. Дөләт рәһбириниң тапшурмиси бойичә мутәхәссисләр “Қазақстан хәлқи” интерактив тарихий хәритини ишләп чиқти, у ҚХА порталиға орунлаштурулди. Илмий-экспертлиқ қурулумлар ҚХАниң “Қазақтану” мәдәний-ақартиш лайиһисини әмәлгә ашурушқа қатнишиватиду. 2018-жили Ақмола, Қизилорда, Қостанай вә Атырав вилайәтлиридә мошу мавзу бойичә лекторийлар өткүзүлди. Пәқәт кейинки 1,5 жилдила ҚХАниң илмий-экспертлиқ кеңиши 10 коллективлиқ тәтқиқат жүргүзүп, 300дин ошуқ илмий мақалә елан қилди. – Бүгүнки күн тәртивини һесапқа алғанда илмий-экспертлар тәркивини һәрбир қазақстанлиқта мәмликәттики өзгиришләр җәрияниға мунасивәтлик болуш туйғусини шәкилләндүрүш һәм күчәйтиш бойичә йеңи яндишишларни ишләп чиқишқа җәлип қилиш муһим дәп һесаплаймән, – деди Жансейит Түймебаев. – “Рухани жаңғыруниң”бирләштүрүш вә бәрпакарлиқ иқтидарини җәмийәт аң-сәвийәсидә муҗәссәмләштүрүш зөрүр. Илмий-экспертлиқ иштики муһим иш – яшларни вә аилә институтини қоллап-қувәтләш.