• Әхбаратлар еқими
• 19 Наурыз, 2019

Мәйрәм мубарәк болсун!

Норуз – һәммимиз тақәтсизлик билән күтидиған чоң мәйрәм, миллий әнъәнә. Хәлқимиз үчүн бу күн илгиридинла бәрикәт билән инақлиқниң, достлуқ билән бирликниң, йеңилиниш билән изгүлүкниң мәрикиси болған. Бу күни тәбиәт ойғинип, қуяш иллиқ нурини чачиду, әтрапимиз йешил кимхапқа орилиду. Норуз кәлгәндә дуния йеңилинип, тәбиәт гүллинип, дәстихан мол йейилип, инсанларниң кәйпияти көтирилип, шатлиқ һәм бәрикәт тойи башлиниду. Қериндаш, дост-бурадәр, холум-хошнилар өткән хапичилиқлирини унтуп, бир-бири билән достлишип, бәрикәтлик дәстихан әтрапида баш қошиду. Мәйрәм күнлиридә бирлиги ярашқан хәлқимизниң роһи көтирилип, изгү ишлар башлиниду. Тарихимиздин күч-қувәт елип, келәчәктики ишлиримизға йол ачидиған Норуз мәйриминиң — елимиздики чоң қәдрийәтләрниң бири — әлдики течлиқ вә җәмийәтлик разимәнлик, хәлиқләр бирлигини күчәйтиштә әһмийити наһайити зор. Һазир хәлқимизниң сөйүмлүк мәйрими әнъәнилиримиз билән урпи-адәтләрниң аһаңдашлиғиниң ярқин көрүнүшигә айланди. Һөрмәтлик қериндашлар, силәрни хәлқимиз улуқ күн һесаплиған жил беши – Норуз мәйрими билән тәбрикләймән. Хәлиқниң изгү-нийәтлири изһар қилинип, йеңилинишқа башлайдиған чоң мәрикидә һәрбир өй бәхит-саадәт вә шатлиққа толсун дәп тиләймән. Шаһимәрдан НУРУМОВ, Қазақстан Җумһурийити Парламенти Мәҗлисиниң депутати, ҚХА Кеңишиниң әзаси, ҖУЭМ рәиси.