• Спорт
  • 27 Наурыз, 2019

Токиодин хуш хәвәр кәлди

Мәшүр САСИҚОВ, «Уйғур авази» Дәсләп җумһурийәт ичидә, андин қалса, Москва, Будапешт вә Токио охшаш шәһәрләрдә өткән турнир-мусабиқиләр Алмута шәһиридики 35-мәктәп-гимназияниң 11-синип оқуғучиси Руслан Пәхриев (сүрәттә солда) үчүн адәттики ишларға айланди. Чүнки у шәриқниң йәкму-йәк күрәш түрлириниң бири – каратэ-киокушинкай билән йәттә йешидин шуғуллинип, дайим алдинқи орунлардин көрүнүп кәлмәктә. Русланниң спортқа қизиқип, иштияқ бағлишиға атиси Ташмәһәмәт ака хурсән болсиму, пәрзәндиниң яман йолларға кирип кетишидин әнсиргини раст. Чүнки җәмийитимиздә күрәшниң аддий бир-икки муш етиш яки жиқитиш усулини үгинивелип, уни җинайәттә қоллиниватқанларни аңлап жүримиз. Шундиму у балисиниң бисини қаққини йоқ. Барлиқ чиқим-хираҗитигиму чидиди. Русланниң мәшиқләндүргүси Андрей Салагаевму «Балиңизниң келәчиги бар. Әгәр биз униңға тоғра йол-йоруқ көрситип, бираз шараит яратсақ, у чоқум жуқури пәллиләрдин көрүниду» дәп атиниң кәйпиятини пат-пат көтирип жүрди. Шундақ қилип, Руслан өзиниң көңли тартқан каратэ билән турақлиқ шуғуллинип, пәйдин-пәй дәсләпки утуқларғиму йетишкә башлиди. Пәрзәнди спортниң бирәр түри билән шуғуллиниватқан ата-анилар яхши билидуки, мәйли чоң яки кичик мусабиқә болсун, һәммиси мәлум хираҗәтни тәләп қилиду. Мана шуниңға бәрдашлиқ бәргән ата-аниниң пәрзәндидин, әгәр униңда қабилийәт, чидамлиқ вә тиришчанлиқ моҗут болса, ғәлибә қечип қутулмайдиғанлиғи ениқ. Бизниң қәһриманимиз, биринчидин, камсөзлүклүги, мәшиқни дәп оқушни ташлимиғанлиғи түпәйли Ташмәһәмәт ака билән Роза һәдиниң өйини түрлүк-түмән Пәхрий ярлиқ, дипломлардин ташқири, йүзгә йеқин медаль билән кубокларға толтуруветипту. Өй ичидә у ян, бу ян өткәндә ата-ана пәрзәндиниң һәрхил жилларда қол йәткүзгән утуқ-муваппәқийәтлиридин пәхирлинип қойиду. Йеқинда уларниң хошаллиғиға йәнә бир хошаллиқ қошулди. Қаидә бойичә, каратэда әң жуқури маһир атиғиға қарабәлбағ берилиду. Әйнә шу бәлбаққа Руслан өткән жилниң ахирида Токиода өткән дуния чемпионатида «емтиһан» тапшуруп, униңдин сүрәнмәй өтти. Әнди йеқинда болса «Руслан Пәхриев каратэ-киокушинкай бойичә қарабәлбағ атиғиға лайиқ» дегән хуш хәвәр кәлди.

244 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы