• Инкас
  • 27 Наурыз, 2019

Елини сөйгән шәхс

Қандақла кәсип егиси болмисун, әгәр у өз ишини чин дилидин сөймисә, униңдин бирәр нәтиҗә қазиниши наениқ. Шундақ екән, биз мустәқил Қазақстан Җумһурийитини пүткүл дунияға тонутуп, униң ихтисадий-иҗтимаий тәрәққиятини риваҗландурған Тунҗа Президентимиз Нурсултан Әбишоғли Назарбаевниң әмгигини жуқури баһалиған һалда, уни һәқиқий маһир тәшкилатчи һәм рәһбәр дәп ейтишқа һәқлиқмиз. Дана рәһбәр сүпитидә җумһурийәт хәлқиниң турмуш әһвалини яхшилашни көзлигән Тунҗа Президентимиз дәсләпки орунға сәясәтни әмәс, бәлки ихтисатни қоюп, аһалиниң алқишиға сазавәр болди. Әлвәттә, қосиғи ач адәмниң сәясәт билән кари болсунму. Шуңлашқа һәрбир қазақстанлиқ йәттә яшлиқ балидин, йәтмиш яштики мөтивәрниң һәммиси Нурсултан Назарбаевниң исмини аңлиса, униңға өзлириниң миннәтдарлиғини ейтишқа алдирайду. Буниңму өзигә лайиқ сәвәви бар. Чүнки уларниң учисидики әңли пүтүн, өйгә кирсә аилисидикиләрниң қарни тоқ дегәндәк. Буниңдин ташқири, әң муһими, течлиқ вә паравән һаят бәхш етилгән. Әнди мән шәхсән өзәм ишимда елимизниң Тунҗа Президенти жүргүзгән сәясәтниң тоғра екәнлигигә һәр күни көз йәткүзимән десәм, хаталашмаймән. Мәктәп мудири болғанлиқтин, оқуғучиларниң һечнәрсидин хиҗалити йоқ билим елиши, йәнә келип, ана тилида оқуватқанлиғи мени толиму хошал қилиду. Мундақ шараитлар, әлвәттә, җумһурийәттә яшаватқан барлиқ милләтләргә хас екәнлигини нәзәрдә тутсақ, Нурсултан Назарбаев елимиздики милләтләрара разимәнликкиму алаһидә көңүл бөлидиғанлиғини көрәләймиз. Шу өзара достлуғимиз түпәйли бепаян қазақ даласида инақ-иҗил яшаватқанлиғимизниң өзи бир ғенимәт әмәсму. Шуниң үчүн дөлитимизни һәртәрәплимә тәрәққий әткүзүп, униң билән өзгиләрниң һесаплишиш дәриҗисигә көтәргән Тунҗа Президентимиз һәрбир қазақстанлиқниң пәхри болуп қалмақта. Гүлмира ТОХТАХУНОВА, М.Һәмраев намидики 150-уйғур оттура мәктивиниң мудири. Алмута шәһири.

59 рет

көрсетілді

0

пікір
Алдыңғы мақала Миң жилда бир туғулидиған шәхс
Келесі мақала Дин саһасидики дана сәясәт

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы