• Әхбаратлар еқими
  • 27 Наурыз, 2019

Қазақстан хәлқи Ассамблеясиниң мураҗиити

Қиммәтлик вәтәндашлар! Биз, Қазақстан хәлқи Ассамблеясиниң әзалири – Қазақстан хәлқи Ассамблеяси этномәдәнийәт бирләшмилириниң, илмий-экспертлиқ кеңишиниң, кафедрилар ассоциациясиниң, җәмийәтлик разимәнлик кеңәшлириниң, анилар кеңәшлириниң, журналистлар вә экспертлар клубиниң, медиаторлар кеңишиниң, тиҗарәтчиләр ассоциациясиниң, “Җаңғыру жолы” җумһурийәтлик яшлар һәрикитиниң, җәмийәтлик тәшкилатлири вә мәһкимилириниң әзалири пайтәхтни Нур-Султан шәһири дәп өзгәртиш тоғрилиқ қарарни толуқ қоллап-қувәтләймиз. Пайтәхткә Қазақстанниң Тунҗа Президенти исминиң берилиши – Елбасыниң мустәқил Қазақстанни қуруштики улуқ хизмитини мәнтиқий етирап қилиш. Биз Қазақстан пайтәхтини көчиришниң мәмликәт тарихида йеңи сәһипини ачқан Нурсултан Әбишоғли Назарбаевниң стратегиялик лайиһиси вә тәшәббуси болғанлиғини алаһидә тәкитләймиз. Мошу қәдәм түпәйли Қазақстан еғир пәйттә өткүнчи вақитниң қийинчилиқлирини утуқлуқ йеңишкә имканийәт бәргән тәрәққият сүръитигә егә болди. Елбасы мәмликәт тәрәққиятида йеңи басқуч ачқан бүгүнки таңда Қазақстанниң Тунҗа Президенти исминиң пайтәхткә берилиши суверен, демократик, һоқуқ вә иҗтимаий дөләт сүпитидә Қазақстан тәрәққиятида Нурсултан Назарбаевниң стратегиялик йолиниң өзгәрмәйдиғанлиғи вә варислиқлиғи тоғрилиқ пүткүл дунияға болған муһим хәвәр болуп һесаплиниду. Шуниң арқилиқ Қазақстан өзиниң мәмликәт тәрәққиятиниң конституциялик принциплириниң – җәмийәтлик разимәнлик вә сәясий турақлиқниң, этносларара вә конфессияләрара течлиқниң, қазақстанлиқ вәтәнпәрвәрликниң бузулмаслиғиниң чоңқур тәрәпдари екәнлигини тәстиқләйду. Елбасы сәясий лидерлиғи вә қәтъий сәясий ирадиси түпәйли мәмликәтләр оттурисидики мунасивәтләрдә жуқури әхлақий үлгиләрни көрсәтти, мәмликитимизниң течлиқпәрвәр көп векторлуқ ташқи сәяситини тәрәққий әткүзүшкә қошқан һәссиси, ядролуқ қуралсизлиниш, хәлиқара мәйданда ишәнчә вә өзара һәрикәт кәйпиятини шәкилләндүрүш бойичә изчил күч чиқарғанлиғи түпәйли хәлиқара бирләшминиң чоңқур һөрмити вә миннәтдарлиғиға сазавәр болди. Биз шуниңға чоңқур ишинимизки, Нурсултан Назарбаевниң тарихий хизмити чин дилидин хәлиққә хизмәт қилишниң вә Әркинлик һәм Мустәқиллик идеаллириға садиқ болушниң үлгиси сүпитидә Улуқ дала мәмликити адәмлириниң барлиқ кейинки әвлатлири үчүн үлгә болуши керәк. Пайтәхтни Тунҗа Президент исми билән аташ – бу бизниң гражданлиқ қәрзимиз вә Қазақстан хәлқи алдидики хизмити үчүн Елбасыға билдүрүлгән сәмимий миннәтдарлиғимиз. Қазақстан пайтәхти Нур-Султан Қазақстанниң ихтисадий җәһәттин күчлүк вә гүлләнгән мәмликәткә айлиниши, униң гражданлириниң болса молчилиқта, течлиқ вә разимәнликтә һаят кәчүрүши үчүн бизниң келәчәк әвлат алдидики җавапкәрлигимизниң рәмзи. Биз шуниңға қәтъий ишинимизки, Қазақстан тарихида Нур-Султан исми “Мәңгілік Ел” чүшәнчиси, умуммиллий тарихий аң-сәвийә, жуқури роһий қәдрийәтләрниң охшашлиғи билән аҗралмас бағланған пети қалиду. Биз, Қазақстан хәлқи Ассамблеясиниң әзалири, мошу тарихий қәдәмниң тәрәпдари екәнлигимизни билдүрүмиз вә қоллап-қувәтләймиз, мәмликитимизниң гражданлирини вақит синиғидин өткән “бир хәлиқ, бир әл, бир тәғдир” миллий бирлик принципи асасида җипсилишишқа чақиримиз. Биз Нур-Султан пайтәхтиниң муқәддәс қазақ йеридики бирлик, течлиқ вә гүллиниш рәмзи болуши үчүн һәммә нәрсини қилишимиз керәк! Қазақстан хәлқи Ассамблеяси, Нур-Султан шәһири

385 рет

көрсетілді

1

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы