- Йеңилиқлар
- 03 Сәуір, 2019
Алмутидики учришишлар
Өткән һәптидә Қазақстан Җумһурийитиниң Тунҗа Президенти –Елбасы Нурсултан Назарбаев Алмутидики қараргаһида бирқатар учришишларни өткүзди.
Түркстан вилайитиниң һакими Өмирзақ Шөкеев билән болған учришишта регионниң һазирқи иҗтимаий-ихтисадий тәрәққиятиниң мәсилилири муһакимә қилинди. Вилайәт мәркизи Түркстан шәһириниң қурулуш планлириға айрим диққәт бөлүнди.
“Қазақстан Хәлиқ банки” акционерлиқ җәмийити мудирлар кеңишиниң рәиси Александр Павлов билән болған сөһбәттә мәмликәт банк секториниң һазирқи әһвали вә униң тәрәққият истиқбали, шундақла Қазақстан малийә базириниң муһим мәсилилири муһакимә қилинди.
Елбасы Нурсултан Назарбаев “Мәркизий Азия Электр-энергетика Корпорацияси” акционерлиқ җәмийити мудирлар кеңишиниң рәиси Александр Клебанов билән болған учришишта электр-иссиқлиқ энергиясини ишләпчиқириш базирини тәрәққий әткүзүш вә мәмликәт регионлирини электр билән тәминләштә бехәтәрликкә риайә қилиш мәсилилирини, шундақла электр билән тәминләш саһасида тарифлиқ сәясәтни әмәлгә ашурушниң һазирқи җәриянини муһакимә қилди.
376 рет
көрсетілді0
пікір