• Турнир
  • 10 Сәуір, 2019

Достлуққа үндигән мусабиқә

Мәшүр САСИҚОВ, «Уйғур авази» Йеқинда Туздыбастав йезисида тәҗрибилик мәшиқләндүргүчи Дилшат Насировниң уюштуруши вә җумһурийәтлик Уйғур этномәдәнийәт мәркизи йенидики Спорт комитетиниң қоллап-қувәтлиши билән авған урушиниң қатнашқучиси Мусаҗан Идрисовниң һөрмитигә беғишланған футбол бойичә вилайәтлик турнир болуп өтти. Униңға Әмгәкчиқазақ наһийәси Ишиктә шәһириниң «Қайрат», Панфилов йеза округиниң «ЦСКА», Талғир шәһириниң «СТС» вә Туздыбастав һәм Бесағаш йезилиридин топланған «АДФ» командилири қатнашти. Турнирниң финалида күч синашқан «АДФ» билән «Қайратниң» оюни әң қизиқарлиқ болди. Уни ишқивазлар толиму бәһирлиниш илкидә тамашә қилди. Уларниң бәзилири чуқан-сүрүн арқилиқ өз командилириға мәдәт бәрсә, айримлири алаһидә пәриқләнгән спортчиларниң маһаритигә қайил болушти. Оюн дегән оюнғу. Бәлгүләнгән вақитни тоғра пайдиланған «Қайрат» «АДФни» 2:1 һесави билән йәңди. Ғалип чиққан команда әзалириға мукапат тапшуруш тәнтәнисидә ҖУЭМ рәисиниң орунбасари вә «Уйғур авази» гезитиниң баш муһәррири Ершат Әсмәтов билән Талғир наһийәлик Уйғур этномәдәнийәт мәркизиниң рәиси Иминҗан Тохтахунов сөз елип, турнирниң жуқури дәриҗидә өткәнлигини тәкитләп, яш әвлат вәкиллирини сағлам һаят тәризигә йетәклигән шәхсләргә миннәтдарлиқ билдүрди. Андин натиқлар ушбу паалийәтниң сәвәпкари болған Мусаҗан Идрисов билән Талғир наһийәсидики яшларниң жигитбеши Зумрат Сасиқовқа ҖУЭМ тәсис қилған «Сахавәт» бәлгүсини тапшурди. Шундақла бу тәнтәнидә мошу әһмийәтлик чарә-тәдбирниң өтүшигә һәртәрәплимә яр-йөләк болған Туздыбастав йезисиниң баш жигитбеши Турғанҗан Вахъяров, йезилиқ мәдәнийәт мәркизиниң рәиси Реһимҗан Мәсимов, алий дәриҗилик мәшиқләндүргүчи Дилшат Насиров комитет әзаси Реһимҗан Тохтахунов ҖУЭМниң Пәхрий ярлиқлири билән тәғдирләнди. Шундақла бирқатар спортчиларға ҖУЭМ йенидики Жигитбашлири кеңишиниң һәм Талғир наһийәлик Уйғур этномәдәнийәт мәркизиниң Пәхрий ярлиқлири тапшурулди.

17 рет

көрсетілді

0

пікір
Алдыңғы мақала Журналистлар әқлий оюнда бәс-бәскә чүшти
Келесі мақала Ветеранниң 100 жиллиғиға беғишланди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы