• Йеңилиқлар
  • 10 Сәуір, 2019

Йеңи кабинет ишни йеңичә башлиди

Сабирәм ӘНВӘРОВА, “Уйғур авази” 2018-жилниң ахирида «Мәнивий йеңилиниш» программисини әмәлгә ашуруш бойичә наһийәлик штаб қурулуп, «Nur Otan» партияси наһийәлик шөбисиниң имаритидин «Мәнивий йеңилиниш» кабинети ечилип, өз ишини башлиған еди. Наһийә һакиминиң орунбасари Қ.Бекмуханбетов рәислик қилған штаб җәми 13 адәмдин тәркип тапқан. Йеқинда штабниң иш-паалийити билән йеқиндин тонушуш үчүн «Мәнивий йеңилиниш» кабинетиниң босуғисидин атлидуқ. Сөзниң расти, кабинетниң безәндүрүлүши бирдин диққитимизни җәлип қилди. Бизни кабинет йетәкчиси Қундыз Сабырбай қарши алди. Бирдин мәхситимизни ейтип, уни сөһбәткә җәлип қилдуқ. Қ.Сабырбай ишқа киришкән штабниң бийилқи иш-паалийити һәққидә мәлуматларни бәрди. Униң тәкитлишичә, Елбасыниң «Келәчәккә нишан: мәнивий йеңилиниш» мақалиси бойичә наһийәлик штаб 19 лайиһини өз ичигә алған жиллиқ план түзүпту. План бойичә жил ахириғичә 105 чарә-тәдбир өткүзүш мәхсәт қилинипту. Бүгүнки күнгә қәдәр наһийәдә мәнивий йеңилиниш бойичә 33 чарә-тәдбир өткүзүлүпту. – Елбасыниң «Келәчәккә нишан: мәнивий йеңилиниш» мақалиси елан қилинғандин кейин наһийәдила әмәс, җумһурийитимиз даирисидә нурғунлиған өзгиришләр йүз бәрди. Бу өзгиришләр қазақстанлиқларға йеңичә көзқараш әта қилди. Көп өтмәй, мәнивий йеңилинишниң давами сүпитидә «Улуқ даланиң йәттә қири» намлиқ тарихий әһмийити зор мақалә тәвсийә қилинди. Бу икки мақалиниң нами һәрхил болғини билән мәзмун-маһийити вә көзләнгән мәхсити бир. Шуңлашқа бүгүнки күндә бу икки һөҗҗәткә асасланған һалда, мәнивий йеңилиниш турғисидин иш елип бериватимиз, – дәп қәйт қилди Қ.Сабырбай. Шуни алаһидә атап өтүш керәкки, наһийәлик штабниң 5 лайиһиси вилайәтлик лайиһиләр тәркивигә киргән. Жил башлинип, бирқанчә айниң ичидә нәтиҗилик ишларни әмәлгә ашурған штабниң алға қойған мәхсәт-вәзипилири ениқ. Ишинимизки, «Мәнивий йеңилиниш» кабинетиниң иши алдики вақитта техиму җанлинип, чоң утуқларниң гувачи боларимиз җәзмән.

391 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы