• Йеңилиқлар
• 10 Сәуір, 2019

Сессиягә тәйярлиқ

Елбасы Нурсултан Назарбаев Қазақстан хәлқи Ассамблеяси Рәисиниң орунбасари – Қазақстан Җумһурийити Президентиниң Мәмурийити ҚХА Кативатиниң мудири Жансейит Түймебаевни қобул қилди. Учришишта Қазақстан Җумһурийитиниң Тунҗа Президенти – Елбасыға Қазақстан хәлқи Ассамблеясиниң XXVII сессиясигә тәйярлиқ көрүшниң кетип бериши тоғрилиқ доклад қилинди. Елбасы Нурсултан Назарбаев алда өткүзүлидиған чарә-тәдбирниң пухта уюштурулушини тәминләшниң муһим екәнлигини атап көрсәтти вә келәр жили ҚХАниң 25 жиллиғини нишанлашқа өз вақтида тәйярлиқ көрүшниң зөрүр екәнлигини тәкитлиди. – Келәр жили биз ҚХАниң 25 жиллиғини нишанлашни планлаватимиз. Ассамблея юбилейини һәм мәркәздә, һәм барлиқ регионларда яхши дәриҗидә өткүзүш зөрүр. Разимәнлик, турақлиқ, хәлиқләр достлуғи, түрлүк миллий топлар, диний конфессияләр оттурисидики өзара һөрмәт дөлитимизниң асаси, пүткүл тәрәққиятниң һули болуп һесаплиниду. Мана мошу қәдрийәтләр планланған чарә-тәдбирләрниң асаси болуши керәк, – деди Қазақстанниң Тунҗа Президенти. Учришиш ахирида Нурсултан Назарбаев бирқатар ениқ тапшурмиларни бәрди, дәп хәвәр қилиду Қазақстан Җумһурийитиниң Тунҗа Президенти – Елбасыниң мәтбуат хизмити.