• Хәйрихаһлиқ
  • 18 Сәуір, 2019

Һаятимиз гүли – пәрзәнтлиримиз

Мәлумки, буниңдин бираз вақит илгири Әмгәкчиқазақ наһийәсиниң Қаратуруқ йезисидики А.Саттаров намидики оттура мәктәп мудириниң тәрбийә ишлири бойичә орунбасари Бүвинур Ғоҗамбәрдиева җумһурийәтлик Уйғур этномәдәнийәт мәркизиниң қоллап-қувәтлиши билән «Сахавәт» хәйрихаһлиқ топини қурған еди. Көп өтмәй, турмуш-тәминати төвән, ярдәмгә муһтаҗ җанларға қол учини сунуш истигидә жиғилған инсанлар сепи күн санап көпийишкә башлиди. Топ әзалири җай-җайларда көплигән хәйрихаһлиқ чарә-тәдбирләрни өткүзүп, көпбалилиқ аилилиләргә вә һаятида қийинчилиқ тартиватқан инсанларға кийим-кечәк, озуқ-түлүк, оюнчуқ, дора-дәрмәк вә шуниңға охшаш керәк-ярақларни тарқитип, амминиң алқишиға сазавәр болуватиду. Йеқинда улар Панфилов наһийәлик Уйғур этномәдәнийәт мәркизиниң рәиси Ризайдин Әйсаевниң тәшәббуси билән шу тәвәгә берип, йүзгә йеқин мүмкинчилиги чәкләнгән, ата-анисидин айрилған вә шундақла ялғуз қалған қери-чүриләргә ярдәм қилиш мәхситидә хәйрихаһлиқ акциясини уюштурди. Акция топ әзалири Қәлбинур Аруп билән Саһидәм Сайитованиң риясәтчилигидики мәйрәмлик концерт билән башланди. У йәрдә Х.Һәмраев намидики вә Әмгәкчи оттура мәктивиниң сәнъәткар оқуғучилири өз һүнәрлирини намайиш қилди. Хәйри-сахавәтлик нийитидә өткүзүлгән бу паалийәттә сөзгә чиққан Ризайдин Әйсаев меһманларға яркәнтликләр намидин чәксиз миннәтдарлиғини билдүрүп, топ әзалириниң қиливатқан ишлири маддий җәһәттин ғеми тола адәмләрниң қәлбигә бир күн болсиму нур яққанлиғини алаһидә тәкитлиди. Ахирида меһманлар барлиқ муһтаҗ җанларға елип кәлгән соғилирини тарқатса, әң муһими, һаятимиз гүли болған балилар үчүн Яркәнт шәһириниң тиҗарәтчилири мәйрәмлик дәстихан яйди. Гүлчеһрәм САДИРОВА. Панфилов наһийәси.

511 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы