• Көргәзмә
  • 25 Сәуір, 2019

Улуқ алимға беғишланди

Йолдаш МОЛОТОВ, «Уйғур авази» Өткән һәптидә Алмутидики Мәркизий дөләт мирасгаһида академик Қаныш Сәтбаевниң туғулғининиң 120 жиллиғиға беғишланған «Қазақтың ұлы ғалымы» намлиқ көргәзмә ечилди. Мәзкүр көргәзминиң асасий мәхсити — қазақ хәлқидин чиққан дәсләпки геолог, академик Қаныш Сәтбаевниң һаят йолини, иш-паалийитини тонуштуруш, алимниң илмий мирасини сақлаш вә яш әвлатқа тәрғибат қилиш, алимниң шәхсий һәм әмгәк паалийитигә беваситә мунасивити бар фотолар билән һөҗҗәтләрни көпчиликкә тәвсийә қилиш. Көргәзмә асасән төрт бөлүмдин ибарәт. «Өмір жолы талдауы» намлиқ биринчи бөлүм алимниң тәрҗимиһалиға беғишланған. Униңда балилиқ чеғида, Шәмәйдики муәллимләр семинариясидә билим алған пәйтлиридә, Томск университетида оқуватқан вақитлирида чүшкән сүрәтләр қоюлған. Иккинчи, йәни «Ғалым-геолог» дәп аталған бөлүмдә Қаныш Сәтбаевниң илмий паалийити тонуштурулиду. Бу йәрдики экспонатлар Атбасар вә Қарсақбай геологиялик трестиниң баш инженериниң күндә атқурған иши, Жезқазған вә Байқоңур көмүр канлиридики дәсләпки геологиялик разведка ишлириниң уюштурулуши һекайә қилиниду. «Академик Қ.Сәтбаев — ҚазКСР Ғылым академиясының негізін қалаушы» намлиқ үчинчи бөлүмдә 1944-жили Қазақ ССР Пәнләр академиясини қуруш тоғрилиқ һөкүмәт қарариниң қобул қилиниши Қ.Сәтбаевниң беваситә қатнишиши билән әмәлгә ашурулғанлиғини дәлилләйду. 1946-жили Қаныш Сәтбаев Қазақстан Пәнләр академиясиниң тунҗа президенти болуп сайланди. Көргәзминиң «Мұра» дәп атилидиған бөлүмидә академикниң илмий әмгәклири тонуштурулиду. Мәлумки, Қ.Сәтбаевниң илмий әмгәклириниң нурғуни геология мәсилилиригә беғишланған. Униң елан қилинған 240 әмгигиниң 42си Жезқазған-Улытав наһийәсидики геология вә минерал фондини өз ичигә алиду. Тәкитләш лазимки, академик Қаныш Сәтбаев — көрнәклик геолог, тонулған алим, илим-пән саһасиниң маһир тәшкилатчиси. У елимиздики гоелогия хизмитиниң, Пәнләр академиясиниң, Чоң Жезқазған вә һазир өзиниң нами билән атилидиған Геология пәнлири институтиниң асасини салғучи. У шундақла Қазақстан Пәнлар академиясиниң дәсләпки президенти, сабиқ Кеңәш Иттипақи даирисидә дәсләпки қазақ академиги. Қазақстанниң йәрасти байлиқлирини ечиш вә геологиялик тәтқиқат қилиш, кан орунлирини ениқлаш ишлириниң һәммиси улуқ алим Қаныш Сәтбаевниң исми билән чәмбәрчас бағлиқ.

20 рет

көрсетілді

0

пікір
Алдыңғы мақала Әндики мәхсәт – Лондонда көргәзмә өткүзүш
Келесі мақала Шахнозаниң новәттики утуғи

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *