• 9-июнь – Қазақстан Җумһурийити Президентиниң сайлими күни
  • 15 Мамыр, 2019

Һөрмәткә мунасип инсанлар

Биз мәктәптә оқуп жүргән өткән әсирниң 80-жиллири шәһәр вә йезилиримизниң һәрбир кочисида бирнәччә ветеран яшайдиған. Уларни әгишип, муқәддәс мәйрәмни елип кәлгән, бизгә течлиқ һаятини һәдийә қилған атилар билән аниларниң ғәмкин көзлиригә қараттуқ. Көргән күнлири вә тартқан азаплири һәққидә ейтип беришини сораттуқ. Бирақ уларниң көпчилиги: «Биз көргән күнни силәр көрмәңлар, балилирим» дәтти. Рашидәм РӘҺМАНОВА, «Уйғур авази» Әпсус, шу әзизлиримизниң сани күн санап кемип бариду. Бүгүнки күндә Әмгәкчиқазақ наһийәсидә Улуқ Вәтән урушиниң бари-йоқи йәттә ветерани қапту. Шуларниң бири – тәшкәнсазлиқ Музәппәр Шәрипов. Музәппәр ата 1925-жили Тәшкәнсаз йезисида туғулған. Улуқ Вәтән урушиғичә «Қизил Шәриқ» колхозида ишлигән. 1942-жили һәрбий сәпкә чақиртилған у Тәшкәнсаздин урушқа атланған әң яш жигит еди. Ғалибийәттин кейин Музәппәр акиниң һәрбий хизмити Хитай Хәлиқ Җумһурийитидә давамлашти. Тәлийигә яриша, у 1949-жили елигә аман-есән қайтип кәлди. Улуқ Вәтән урушидики җасарити үчүн ІІ дәриҗилик «Улуқ Вәтән уруши» ордени вә онлиған медальлар билән тәғдирләнди. Музәппәр ата уруштин кейин қурулушчи болуп ишләп, егиликләрниң қайта тиклинишигә үлүшини қошти. Һөрмәтлик дәм елишқа чиққандин кейинму узақ жиллар «Социализм» совхозида һәрхил хизмәтләрни атқурди. Музәппәр атиниң рәпиқиси Розихан ана – арқа сәп ветерани. Сүйиги қатмайла әмгәктә тавланған, шу әмгиги билән ғалибийәтни йеқинлаштурушқа биркишилик һәссисини қошқан ана. 1-июнь күни Музәппәр ата 94 яшқа толиду. Тимәнлиги билән пәриқлинидиған Музәппәр атиниң саламәтлиги икки-үч жилдин бери хелила сир бәрди. Шуниңға қаримай, йезида Улуқ Ғалибийәт күни мунасивити билән уюштурулған барлиқ чарә-тәдбиргә қатнишиду. Буниңдин бирнәччә жил илгири тәшкәнсазлиқлар течлиқ һаят һәдийә қилған Улуқ Вәтән урушиниң ветеранлириға беғишлинип орнитилған ядикарлиқни мурәккәп җөндәштин өткүзүп, әтрапиға мәнзирилик көчәтләрни тикти. Музәппәр ата яшларға йол-йоруқ көрситип, өзиниң көчитини олтарғузди, жутдашлириға дуасини бәрди. Музәппәр Шәриповни һәр жили Улуқ Ғалибийәт күни һарписида Әмгәкчиқазақ наһийәсиниң һакими Бинәли Ысқақ, йеза округи һакими, наһийәлик Уйғур этномәдәнийәт мәркизи вә башқилар йоқлап, һөрмәт көрситиду. Ветеран дөләт тәрипидинму ғәмхорлуққа елинған. Бирақ Музәппәр акиниң турмуши махтиғидәк әмәс. Бир оғлидин әтигән айрилип қелип, униң камаләткә толмиған пәрзәнтлирини бовай билән момай асраватиду. Туруватқан өйи аллиқачан упирап кәткән. Әлвәттә, жут вә йәрлик һакимийәт қарап олтарғини йоқ. Қолидин кәлгән ярдимини көрситиватиду. Мәсилән, буниңдин төрт жил бурун мөтивәрниң һөҗҗәтлирини жиғиштуруп, тегишлик орунларға өткүзүп, наһийә тәрипидин 500 миң тәңгә ярдәм көрситилди. Бу нурғун мәбләғ болмисиму, һәр һалда азду-тола җөндәш ишлириға яриди. Музәппәр акидин башқа йезида 40қа йеқин арқа сәп ветерани бар. Йезиниң паалийәтчан яшлири мөтивәрләрниң өйлирини, бағ-варанлирини тазилап, отунлирини йерип бериду. Әмгәкчиқазақ наһийәси.

119 рет

көрсетілді

0

пікір
Алдыңғы мақала Улар Брест қорғинини һимайә қилған
Келесі мақала Қәһриман анилар

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

24 Ақпан, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы