• Әхбаратлар еқими
  • 22 Мамыр, 2019

Миграция мәсилиси һәққидә

Шөһрәт МӘСИМОВ, «Уйғур авази» Қазақстан Җумһурийити Миллий ихтисат министрлиги Статистика бойичә комитетиниң хәвәр қилишичә, бийил январь-март айлирида 8 355 адәм Қазақстандин башқа әлләргә көчүп кәткән. Статистика комитетиниң әхбаритиға асаслансақ, җумһурийәттин көчүп кәткәнләрниң умумий санидин 7 455 адәм Һәмдостлуқ әллиригә, қалған 900 адәм жирақ чәт әлләргә кәткән. Январь-март айлиридики ташқи миграция айрим миллий топлар бойичә елип қариғанда төвәндикичә: руслар мәмликәттин көчүп кәткәнләрниң умумий саниниң 71,9 % (2018-жилниң мошу вақтида 71,1 %), немислар – 6,6% (8%), украинлар – 6,9 % (6,7 %), қазақлар – 4,7 % (4,7%), татарлар – 2,2 % (2,2 %), өзбәкләр – 0,5 % (0,3 %), башқа милләтләр – 7,2 % (7 %) . Мәмликитимизгә көчүп кәлгәнләрниң арисида қазақларниң сани бесим – 60,5 % (бир жил илгири 55,4 %), руслар – 18,8 % (22,3%), украинлар – 1,9 % (2,8), өзбәкләр – 2,1 % (2,3), татарлар – 1,1 % (1,3), немислар – 1,3 % (1 %), башқа милләтләр – 14,3 % (15,1 %). Барлиғи болуп январь — март айлирида мәмликитимизгә 3 176 (бир жил илгири 3 468), шу җүмлидин Һәмдостлуқ әллиридин 2 685, башқа мәмликәтләрдин 491 адәм кәлди. Шундақ қилип, миграциялик пәриқ сәлбий, йәни 5 179 адәм кам. 2019-жилниң январь — март айлирида өткән жилниң мошу вақти билән селиштурғанда, Қазақстанға кәлгәнләрниң сани 8,4 % азийип, мәмликәттин кәткәнләрниң сани 22 % көпийипту. Миграциялик алмаштуруш асасән МДҺ мәмликәтлири билән йүз бериватиду. Мәсилән, Һәмдостлуқ әллиридин кәлгәнләрниң сани 84,5 % тәшкил қилса, шу әлләргә кәткәнләр 89,1 % тәшкил қилған. Ички миграцияму өсүватиду: 2019-жилниң январь — март айлирида у 225 953 адәмни тәшкил қилған болса, өткән жилниң биринчи кварталида бу көрсәткүч 197 951 адәмни тәшкил қилған еди. Регионларара миграция бойичә мәмликәтниң үч регионида – Маңғистав вилайитидә (369 адәм), Нур-Султан (6 089 адәм) вә Алмута (6 559 адәм) иҗабий пәриқ қелиплашқан. Миллий ихтисат министрлиги Статистика бойичә комитетиниң мәлуматлириға қариғанда, 2019-жилниң 1-апрелиға қәдәр мәмликәт аһалисиниң сани 18 миллион 448,6 миң адәмни тәшкил қилип, өткән жилниң мошу вақти билән селиштурғанда 235,8 миң адәмгә көпәйгән, йәни 1,3 % өскән. Мәмликәтниң чоң шәһәрлириниң, шундақла бирқатар вилайәтлириниң аһалиси өсүшни давамлаштуруватиду. Мәсилән, Алмута шәһири аһалисиниң сани 1 865 555 (+0,59), Нур-Султан шәһириниң – 1 089 927 (+1,07 %), Чимкәнт шәһириниң – 1 014 013 (+0,49 %) адәмни тәшкил қилған. Қарағанда, Қостанай, Павлодар, Шималий Қазақстан, Шәрқий Қазақстан вилайәтлиридин башқа вилайәтләр аһалисиниң сани өсти. Башта аталған регионларда узақ вақиттин бери турғунлириниң чәт әлләргә көчүп кетиши вә туғут көрсәткүчиниң төвән болушиниң тәсиридин аһалисиниң сани азийиватмақта. Мәмликәттә туғут көрсәткүчиму пәйдин-пәй төвәнләватиду. Мәсилән, биринчи кварталда 91 942 (бир жил илгири 92 649) бала туғулупту. Әнди өлгәнләрниң сани 33 752 (бир жил илгири 33 832) адәмни тәшкил қипту. Январь — март айлирида 27 937 (бир жил илгири 28 458) нека қийилип, 13 065 (бир жил илгири 13 423) аҗришиш тиркәлгән.

544 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы