• «Уйғур авазиниң» сәйилгаһи
  • 30 Мамыр, 2019

Уйқисизлиқ

Бир адәм кона тонушини йолда көрүп қелип, дәрдини ейтиду: – Кейинки вақитларда проблемилирим көпийип кәтти. Ишим турақлиқ болмиғачқа, аиләмниң ихтисадий әһвали бәкму начарлашти. Газ билән электр энергияси төләмлириниң өсүп кәткиничу! Тапқан-тәргиним қосиғимизни тойғузушқа, балилиримниң оқушиға вә ағриқчан аялимниң дора-дәрмигигә аранла йетиду. Кечә-күндүз хиялға чөмүп, уйқисизлиқ кесилигә муптила болуп қалдим, қараң. – Һәқиқәтәнму әһвалиңиз еғир екән, – дәп һисдашлиқ билдүрүпту ағиниси. – Сәвир қилиң, бу күнлириңизму унтулуп, саламәтлигиңиз яхшилинип кетәр. Мәнму шундақ ойлаймән. Мабада турмушум яхшилинип, бай болуп кәтсәм, һечнемини ойлимай, көңлүм қанғидәк, хатирҗәм бир ухлавелиш арминим бар. ...Аридин жиллар өтүп, һелиқи адәмниң һаятида кәскин өзгириш йүз берипту. У тонуш-билишлиридин қәриз пул елип, тиҗарәтчи достлири билән шериклишип, ишлири жүрүшүп кетипту. Пул-дунияси көпийип, әл-жут ичидики аброй-инавити бәләнт байвәччиләрдин болуп йетилипту. Бир күни у бир сорунда өз вақтида дәрдини ейтқан кона тонушини учритип қапту. Аңлишимчә, һазир әһвалиңиз яман әмәстәк көрүниду. Һәммә җәһәттин тәл-төкүз, хатирҗәм һаят кәчүрүветипсиз. Шуниңға қариғанда, уйқисизлиқ кесилиңиздинму қутулғансиз? – дәп сорапту кона тонуши. – Қойсиңизчу, һазирму әһвалим махтиғидәк әмәс. Күндин-күнгә әсәбийлишип, ағриғимниң үстигә ағриқ қошулуп, кечилири уйқум ечилип кетиду. – Һазир немишкә уйқиңиз қачидиған болуп қалди? – Күндә «Һесават башқурғучи хадимим тапавитимгә хиянәт қиливатқандиму? Башқилар мәндин алған қәризни қачанму бериветәр? Айлинимға салған мәблиғимни қачан қайтурувалармән? Тәкшүрүш келип қалса, қандақму қилармән? Өйүмгә оғри кирип, шунчә жил тапқан дуния-мүлкүмни бир күндила йоқ қиливәтмисә болаттиғу?» дегәндәк ойлардин қутулалмай, ғәм-қайғуға петип, задила түзүк ухлалмайватимән, – дәп техиму кайип кетипту һелиқи адәм.

111 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы