- Йеңилиқлар
- 28 Қыркүйек, 2012
Жутдаш хатирисигә беғишланди
Йеқинда Әмгәкчиқазақ наһийәсиниң Ғәйрәт йезисида бемәзгил һаяттин өткән жутдишимиз, спорт ишқивази Руслан Нуриевниң хатирисигә беғишланған футбол бойичә турнир болуп өтти.
Турнирниң ечилиш тәнтәнисини Ғәйрәт йезисидики яшлар кеңишиниң рәиси Әзизҗан Мәрүпов киришмә сөз билән ечип, мусабиқә иштракчилириға утуқ тилиди.
Уюштурғучилар тәрипидин турнирниң тәртип-қаидилири чүшәндүрүлгәндин кейин, оюнлар башланди.
Қизғин күрәш шараитида өткән оюнларда йүздин жүгрүкләр озуп чиқти. Биринчи орунни Қизил Шәриқ йезисиниң командиси, иккинчи вә үчинчи орунларни Челәк йезисиниң футболчилири вә турнир егилири — Ғәйрәт йезисиниң командиси егилиди. Яхши оюн көрсәткән айрим спортчиларға хатирә соғилар тапшурулди.
Ахирида мәрһум роһиға қуръан оқулуп, нәзир берилди.
Абдулҗан АЗНИБАҚИЕВ.
Әмгәкчиқазақ наһийәси.480 рет
көрсетілді0
пікір