• Йеңилиқлар
  • 30 Мамыр, 2019

Тәрәққиятниң асасий амиллири

Қазақстан Президенти Қасым-Жомарт Тоқаев Миллий инвесторлар кеңишиниң мәҗлисини өткүзди. Мәҗлискә Миллий инвесторлар кеңишиниң әзалири, Президент Мәмурийитиниң вә дөләт органлириниң рәһбәрлиги, “Атамекен” Миллий тиҗарәтчиләр палатиси президиуминиң әзалири, миллий ширкәтләр вә Қазақстан бизнес саһасиниң вәкиллири қатнашти. Дөләт рәһбири дәсләп шәхсий тәшәббус вә әркин тиҗарәтчиликниң ихтисадий тәрәққиятниң вә мәмликәт паравәнлигиниң өсүшиниң асасий амиллиридин болғанлиғини, мошуниң өзи мәҗлисниң мавзусини – “Мәмликәт ихтисадини йеңилашниң асаси сүпитидә тиҗарәтчиликни тәрәққий әткүзүш” – мавзусини бәлгүләп бәргәнлигини тәкитлиди. Өткән жил бизниң бизнес үчүн утуқлуқ болди. Кичик вә оттура тиҗарәтниң ишләватқан субъектлириниң сани 11 пайиз өсүп, 1,3 миллионни тәшкил қилди. Кичик вә оттура тиҗарәт мәһсулатиниң көләми 14 пайиз өсүп, 26,5 триллион тәңгигә йәтти. Кичик вә оттура тиҗарәтниң ихтисаттики үлүши өткән жилда 25,6 пайиздин 28,3 пайизғичә көпәйди. Бу начар көрсәткүч әмәс. Илгири Қазақстанда чиқирилмиған 500дин ошуқ мәһсулат түрини чиқириш башланди. Экспорт географияси кәңийиватиду – елимиз мәһсулати дунияниң 120 мәмликитиниң базириға йәткүзүлүватиду. Бирақ шуниң билән бир вақитта бирқатар проблемиларму сақланмақта. Ишчанлиқ кәйпият, мәһсулат сетиш базири, мәбләғ билән тәминлиниш әйнә шулар җүмлисидиндур, – деди Қасым-Жомарт Тоқаев. Қазақстан Президенти яхши ишчанлиқ кәйпиятни тәминләш, тиҗарәтни нәтиҗидарлиқ қоллап-қувәтләш вә риқабәтчиликни һимайә қилиш бойичә бирқатар вәзипиләрни оттуриға қойди. Қазақстан компаниялириниң малийә турақлиқлиғини ашуруш вә бизнес-маһарәтни һәм елимиз тиҗарәтчилириниң салаһийитини мукәммәлләштүрүш мәсилилиригә алаһидә диққәт бөлүнди. Дөләт рәһбири сөзиниң ахирида Миллий инвесторлар кеңишиниң мәмликәтниң алий рәһбәрлигиниң елимизниң тиҗарәт саһасиниң вәкиллири билән системилиқ диалог жүргүзүши үчүн турақлиқ ишләйдиған мәйдан болуши керәклигини тәкитлиди вә Һөкүмәткә кеңәш ишиниң йеңи шәклини тәстиқләш тоғрилиқ пәрманниң лайиһисини тәвсийә қилишни тапшурди. Мәҗлистә “Атамекен” Миллий тиҗарәтчиләр палатисиниң рәиси Аблай Мырзахметов, “Alageum Electric” акционерлиқ җәмийити мудирлар кеңишиниң рәиси Еркебулан Илиясов, “Textiline” ҖЧЙниң иҗраий мудири Инна Апенко, “Гормолзавод” ҖЧЙниң мудири Асен Жақсылықов, “Method” ҖЧЙниң мудири Дагар Давлетов сөзгә чиқти.

26 рет

көрсетілді

0

пікір
Алдыңғы мақала Ярайсән, Сәйярә!
Келесі мақала Тәрәққиятниң йеңи үлгилирини издәп

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы