• Йеңилиқлар
  • 28 Қыркүйек, 2012

Алимҗанниң тәшәббуси билән

Әмгәкчиқазақ наһийәси Маливай йезисида тәшкил қилинған футбол командиси наһийә, һәтта вилайәт даирисидә өткүзүлүватқан һәрхил мусабиқиларға қатнишип, турақлиқ  мукапатлиқ орунлардин көрүнүп келиватиду. Буниңда ихтиярий рәвиштә мәшиқләндүргүчи вәзиписини орунлап келиватқан Алимҗан Садировниң әмгиги чоң. У бош вақит тапсила болди, яш өсмүрләрниң бешини қошуп, футбол мәйданидин кәтмәйду. — Спорт билән шуғулланған адәмниң пәқәт саламәтлигила  яхши болуп қалмай, әқлиму риваҗ тапиду, җисманий җәһәттин чиниқиду. Демәк,  җәмийәткә пайдилиқ адәмләрдин болуп йетилиду, — дәйду Алимҗан сөһбәт ара. Һәқиқитини ейтиш керәкки, һазир бәзи йезиларда балиларниң спорт билән шуғуллинишиға имканийәт йоқ. Лекин, шуниңға қаримай, айрим йезиларда Алимҗандәк спортқа чин иштияқи билән берилгән жигитләр бар. Уларниң тәшәббуси вә беваситә уюштуруши түпәйли спортниң һәрхил түрлири бойичә командилар қурулуп, өз ара мусабиқиларни өткүзмәктә. Алимҗан Садировниң тәшәббуси билән йеқинда йәнә икки футбол командиси қурулди. Униң бирини — 1994 — 1997-жиллири, иккинчисини 2000 — 2002-жиллири туғулған өсмүрләр  тәшкил қилиду. — Ким билиду, бәлки мошу команда әзалириниң ичидин дуния чемпионлири чиқип қалар, — дәйду Алимҗан күлүмсирәп, — әң муһими, мән шуниңға ишинимәнки, мошундақ чарә-тәдбирләр арқилиқ яшларниң һәрхил хүнүк әһвалларға чүшүп қелишиниң алдини елиш мүмкин. Әгәр мениң мошу ишлирим әвлат тәрбийисигә қошулған мисқалчә һәссә болса, мән өзәмни чәксиз бәхитлик  һис қилған болар едим.  Һә, өзиниң яшлиқ ғәйрити билән маһаритини, қиммәт вақтини бөлүп, яш өсмүрләр арисида спортниң аммивийлиғини ашуруп, йеза спортиниң риваҗлинишиға мунасип үлүш қошуп келиватқан А.Садировқа маливайлиқларниң ейтар алқиши чәксиздур.

Мәһәмәтҗан ҺАПИЗОВ.

Әмгәкчиқазақ наһийәси. СҮРӘТТӘ: йеңидин тәшкил қилинған қош команда әзалири.

136 рет

көрсетілді

0

пікір
Алдыңғы мақала Жутдаш хатирисигә беғишланди
Келесі мақала Әмгәк билән өткән өмүр

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *