• «Уйғур авазиниң» сәйилгаһи
  • 26 Маусым, 2019

Мәнтиқисиз мәслиһәткә җавап

Бир тевип жуттики әң парасәтлик һәм инавәтлик адәмниң алдиға келип дәпту: – Мән сизгә үч нәрсә елип кәлдим, улар сиздин башқа кишигә әрзимәйду. – Әгәр мүмкин болса, немә елип кәлгиниңизни ениғирақ ейтип бәрсиңиз, – дәпту ақсақал еғир-бесиқлиқ билән. – Биринчиси – чач бояйдиған бояқ, – дәпту тевип мөтивәрниң сөзигә җававән. – Униң билән чечиңизни бойисиңиз, та өмрүңниң ахириғичә чечиңиз ақармайду. Иккинчиси – һәзим дориси. Уни истимал қилсиңиз, һәрқандақ қаттиқ-қоюқ вә жирик тамақ йесиңизму, чапсанла һәзим болиду. Үчинчисиму шундақ әҗайип дорики, уни йесиңиз, жигитлик дәвриңизниң қайтип кәлгәнлигигә толуқ көз йәткүзисиз. Тевипниң сөзлирини яхшилап тиңшиған данишмән униңға төвәндики җавапни берипту: – Сиз елип кәлгән чач бойиғи – алдамчилиқниң тухуми вә мәғрурлуқниң нишани. Өзи қерисиму яшларниң қилиғини қилиш һечқандақ адәмгә ярашмайду. Чүнки инсан қериғанда, униң үчүн ақарған чачму зенәттур. Шуңлашқиму мән ақ чачлиримни һәргиз қара зулмәткә тегишмәймән. Әнди сиз ейтқан һәзим дорисиға кәлсәк, мән көргәнла тамақни сүрүштә қилмай йәйдиғанлардин әмәсмән. Тамақни сиңәргидәк йейиш – мениң һаятий шиарим. Ғизаланғандиму мән ашқазиним һәзим қилалиғидәкла йәймән. Үчинчи дориға кәлсәк, бу дора шәһвәт бәдәнлири болған ахмақ адәмләргила керәк. Өзиниң зөрүр вә соваплиқ ишлирини ташлап қоюп, күнбойи хотунлар әтрапида пәрванә болупла жүридиған әр – әң бәхитсиз әр болуп һесаплиниду. Данишмән мөтивәрниң ләвзидин бу һекмәтлик сөзләрни аңлиған тевип өзиниң мәнтиқисиз мәслиһәтлиридин хиҗаләт болуп, артуқ гәп-сөз қилмай кетип қапту.

123 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы