• Әхбаратлар еқими
  • 18 Шілде, 2019

Икки су электр станцияси селиниду

Насирахун РОЗАХУНОВ, «Уйғур авази» Алмута вилайитидә қувити 13 МВтлиқ икки су электр станцияси, шундақла тәрхәмәк вә помидор өстүрүлидиған санаәт теплициси вә алюминий унтақлирини ишләп чиқиридиған завод селинмақчи. Вилайәтлик тиҗарәтчилик вә индустриал-инновациялик тәрәққият башқармисиниң хәвиричә, “BasKan Power” җавапкәрлиги чәкләнгән йолдашлиғи 2020-жилға қәдәр икки су электр станциясиниң қурулушини аяқлаштуриду. Жуқарқи-Баскан 2-су электр станциясини селишқа (қувити 8,8 МВт) 4 миллиард, әнди жуқарқи Баскан 3-су электр станциясиниң қурулушиға (қувити 4,2 МВт) 3,4 миллиард тәңгә сәрип қилиниду. Мәзкүр иншаәтниң дәсләпки тармиғи 2015-жили ишқа қошулған. Шундақла 2020-жилға қәдәр “Грин Фермер” җавапкәрлиги чәкләнгән йолдашлиғи вилайәттә тәрхәмәк вә помидорларни өстүридиған баһаси 970 миллион тәңгилик теплицини ишқа қошуш нийитидә. Алдин-ала тәхмин қилинишичә, теплицида жилиға 900 тоннилиқ көктат өстүрүлиду. Шундақла келәр жилидин башлап вилайәттә алюминий унтақлирини ишләп чиқиридиған завод ишқа қошулмақчи. Униңға 643 миллион тәнгә сәрип қилиниду. Мәзкүр лайиһә Талғир наһийәсидики “Қайрат” индустриал зонисиниң территориясидә әмәлгә ашурулиду. Бу мәһсулат Қазақстанда наһайити тапчил болғачқа һазирғичә толуғи билән Россия вә Хитайдин сетивелиниду. У қара вә химия санаитидә, лак-бояқ чиқириш, қурулуш саһалирида, машина ясаш һәм полиграфия санаәтлиридә кәң пайдилинилиду.

394 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы