• Йеңилиқлар
  • 18 Шілде, 2019

“Биз таза шәһәр үчүн”

Һазирқи күндә бир күн әхләт тазиланмай қалса шәһәр кочилириниң қандақ һаләттә қалидиғанлиғини тәсәввур қилиш тәс. Бу җәһәттин “Біз таза қала үшін” дегән шиар астида, һава райиниң қандақ болушиға қаримай кечә-күндүз тинмай әмгәк қиливатқан шәһәрлик коммунал мәһкимиси ишчилириниң атқуруватқан роли зор, әлвәттә. Мән Алмута шәһири Түрксиб наһийәсигә қарашлиқ “Алматы – Тазалық” участкисида ишләймән. Бәзиләр бизниң ишимизни болупму қиш айлирида йеник дәп ойлайдекән. Әсли ундақ әмәс. Бәзидә қар йеғип тохтиғичә, 2-3 тәвлүк қонуп ишләшкә тоғра келиду. Қелин қар яққанда йол бехәтәрлигини сақлаш үчүн мәхсус җабдуқланған машинилар билән, йолға туз билән қум чечилиду. КамАЗлар қарни йолниң икки тәрипигә топлап, уни “Амкадор” маркилиқ қар жиғиштуридиған комбайнлар билән машиниларға бесип, мәхсус полигонларға тошуйду. Қалған қарни ишчилар қол билән, йәни гүҗәк, сүпүргиләр билән тазилап маңиду. Бизниң участкида 120дин ошуқ адәм ишләйду. Мәвсүмгә мувапиқ 80дин ошуқ техникиниң түри бар. Қиш-яз бойи узунлиғи 104,88 чақирим 42 коча, узунлиғи 96,773 чақирим 34 тратуар тазилиниду. Мошу йәрдә йолда мәхсус чапан кийип, қолиға сүпүргә, гүҗәк тутуп, һарвучә сөрәп жүргән ишчиларниң ишиниң хәтәрлик екәнлигиниму ейтип өтмәкчимән. Талай кәсипдишимизни машина уруветип, еғир җараһәтләнгән пәйтләрму болди. Пурсәттин пайдилинип, җапалиқ әмгәк егилири болған Валера Цильке, Ялқун Илахунов, Әршидин Мәсимов, Берлик Отынчиев, Адил Қурбанов, Талгат Бекмухамбетов, Ринат Тохтиев, Рифат Нурдинов, Нуржан Даулетқулов, Радик Бавдинов, Әзим Йәһияров қатарлиқ кәсипдашлиримниң исимлирини атап өтүшни тоғра көрдүм. Шуниму ейтиш орунлиқки, бизгә йол тазилаш ишидин йолниң икки четидики чөпләрни чепип, тазилаш вәзиписиму жүкләнгән болуп, униңға ондин ошуқ бензин билән ишләйдиған мәхсус агрегат аҗритилиду. Һазир участкида техникиларни қишлиқ мәвсүмгә тәйярлаш ишлири қизғин кетип бариду. Атап ейтқанда йеңи запас қисимлар билән йеңилаш кона техникиларни жуюп, тазилап, сирлаш, сунған йәрлирини ясаш ишлири шулар җүмлисидиндур. Участка мәйдани кәңәйтилип, асфальтланди, бүгүнки күндә шофер-трактористлар үчүн қишта зөрүр болған иссиқ бокслар селинип, ишчиларниң бош вақитлирида дәм елишини көңүлдикидәк өткүзүши үчүн футбол мәйдани бәрпа болди. Йәкүнләп ейтқанда, кәсипдашлирим жилдин-жилға тәҗрибә топлап, йеңи техникилар билән җабдуқлинип, йеңи технологияләрни үгинип, өзлиригә жүкләнгән вәзипиләр һөддисидин муваппқийәтлик чиқип келиватиду. Иминҗан ИСМАЙИЛОВ, Алмута шәһири.

34 рет

көрсетілді

0

пікір
Алдыңғы мақала «Зерен-2019» яш тиҗарәтчиләр лагери ишини башлиди
Келесі мақала Арыслиқ балилар биздә меһманда

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы