• Әхбаратлар еқими
• 25 Шілде, 2019

Жуқури илдамлиқтики интернетқа қол йәткүзиду

“Қазақтелеком” акционерлиқ җәмийити йеза аһалилиқ пунктлирида талчиқ-оптикилиқ алақә линиялирини орнитиш бойичә лайиһә үстидә ишни башлиди. Тәкитлинишичә, лайиһә ширкәт үчүн базилиқ болуп һесаплиниду, униң муваппәқийәтлик ишқа қошулуши 2,5 миллион йеза аһалисини (460тин ошуқ йеза) жуқури илдамлиқта ишләйдиған интернет билән тәминләшкә мүмкинчилик бериду. Лайиһә муваппәқийәтлик аяқлашқандин кейин “Қазақтелеком” акционерлиқ җәмийити вә башқиму алақә операторлири мәмликитимизниң пүткүл территориясидә телекоммуникация хизмәтлириниң барлиқ түрини көрситишкә башлайду. Буниңдин ташқири, 2020-жилға қәдәр 2500гә йеқин дөләт мәһкимисини жуқури илдамлиқтики интернетқа қошуш көздә тутулмақта. Һазирқи күндә Алмута, Ақтөбә, Шәрқий Қазақстан, Җамбул, Ғәрбий Қазақстан, Қариғанда, Қизилорда, Павлодар вә Түркстан вилайәтлири йезилиридики дөләт мәһкимилири мәзкүр тармаққа қетилди. “Қазақтелеком” акционерлиқ җәмийити һәр қачан издиништә вә аләм йеңилиқлирини дайим оқуп-үгиниватиду. Җәмийәт инфраструктурилиқ хизмәтләрни вә йеңи тиҗарәт-имканийәтлирини яритиш үчүн 5G технологиясиниму қараштуруватиду. Ширкәт үстимиздики жили Нур-Султан вә Алмута шәһәрлиридә икки мәртә 5G технологиясиниң имкаийәтлирини намайиш қилди. Шуни әскә салимизки, 5G технологияси жуқури илдамлиқта ишләйдиғанлиғи билән әвзәл. Тәкитләш керәкки, “Қазақтелеком” ширкити паалийитидә көплигән йеңилиқларни җарий қилиш билән биллә херидарлириға көрситилидиған хизмәт сүпити һәққидиму һеч қачан унтумайду. Херидарлар үчүн қолайлиқ шараит яритиш вә үзүлүшсиз хизмәт көрситиш мәхситидә қәризлири бар адәмләргә SMS хәвәрләндүрүш вә автоматик хәвәрләшләр җарий қилинған. Умумән алғанда, ширкәтни тәрәққий әткүзүш стратегиясини әмәлгә ашуруш даирисидә 63 лайиһини җарий қилиш көздә тутулмақта. Бу “Өрлеу 2.0” рәқәмлик трансформацияниң асаси болмақчи. У 2028-жилға қәдәр толуқ ишқа қошулмақчи.