• Китап – билим булиғи
  • 25 Шілде, 2019

Барчә билимләрниң ачқучи

Инсан ярилишидин бирәр нәрсигә меһир бағлайду, қизиқиду, уни үгиниш, униңға еришиш үчүн интилиду, һәрикәт қилиду. Керәк болса, өзи халиған нәрсисигә еришиш үчүн зәрдапму чекиду. Пәрһат-Шеринға, Мәҗнун Ләйлигә йетиш үчүн көплигән еғир күнләрни бешидин өткүзди әмәсму? Дәрвақә, уларни әскә алсақ, көз алдимизға бир нәччә әсир авал яшап, иҗат қилған бүйүк мутәпәккүр, сөз зәргари Һәзрәт Әлишер Наваий гәвдилиниду... Мошу йәрдә бир соал туғулиду: һазир XXI әсир болса, XV-XVI әсирләрдә яшап өткән шундақ улуқ әлламилиримизниң һаят, улар яратқан әсәрләрни вә өтмүшимизни биз немигә асаслинип үгиниватимиз? Бу соалниң җавави бирла: уларниң һаяти вә иҗадини, шундақла өтмүшимизни үгиниш үчүн китап асасий роль ойнайду. Китап муталәә қилиш (оқуш) инсанға мәнивий озуқ бериду. Шу нуқтәий нәзәрдин, китапларни чиқириш вә китапханлиқ мәдәнийитини ашуруш, уни тәрғибат қилиш бойичә бир қатар ишлар әмәлгә ашурулмақта. Елимизниң барлиқ аһалилиқ пунктлирида китапхана ишлири җанлинип, китапханларға зор етивар берилмәктә. Чүнки китап инсанниң әқлий салаһийити билән муамилә мәдәнийитини ашуриду. Адәмниң пикир қилиш қабилийитини яхшилайду. Мәмликитимиздә өсүп келиватқан яш әвлатқа заман тәливигә лайиқ тәлим-тәрбийә бериштә китап алаһидә әһмийәткә егә. Шундақ екән, китапсиз – келәчәк йоқ. Бирақ технологияләр риважланған дәвирдә яшайдекәнмиз, «китапсиз өлүватқинимиз йоқ», «у болмисиму яшаверимиз», дәйдиған яшларму йоқ әмәс. Мундақларниң сәвийәси телефон, интернет торлиридин келиватқан әхбаратларға толған. Шундақ болсиму, техи кәч әмәс. Телефон вә интернеттин кәчмигән һалда, китап оқуса болиду. Чүнки һазирқи күндә биз сөйүп оқуйдиған көплигән әсәрләрниң электронлуқ вариантиму бар. Лекин бир нәрсини унтимайлуқ: сәһипиләрни варақлап оқушниң өз алдиға алаһидә гәшти бар. Китап – һәқиқәтән мөҗүзә, илим-мәрипәт мәнбәси, тәпәккүр мәһсули. Бир сөз билән ейтқанда, барчә билимләрниң ачқучидур. У йәттә яштин йәтмиш яшқичә болған һәмминиң һәқиқий достидур. Әхбарат технологияси шиддәт билән риваҗлиниватқан һазирқи дәвирдә китапханиларда йетилгән әвлатни тәрбийиләштә, яшларниң өз иҗадидиму интеллектуал салаһийәтни рояпқа чиқиришта, китапханлиқ вә оқуш мәдәнийитини риваҗландурушта китап тәрғибатиниң әһмийити зор. Данишмәнләр ейтқандәк, китап – һәр қандақ пәнниң иптидаси, китапхана болса каинатниң инкаси. Мәдәнийәтлик инсанға йетәклигүчи йоллардин бири – бу китап оқуштур. Оқуш асасида садир болидиған муһим қәдрийәтләрдин бири – әҗдатлар роһиға садақәт... «Пиримиз – билим, китап – муәллим», «Адәм китап оқуштин қалса, пикир қилиштинму тохтайду». Данишмәнләрниң мошу нәсиһәтлиригә әмәл қилған инсан һаятниң һәр бир зәрбисигә китап арқилиқ, алған илими түпәйли бир синақ дәп баһа бериду. Қайсиду бир мутәпәккүр ейтқандәк: « Китапханлиқ оқулған китаплар сани билән бәлгүләнмәйду, бәлки уни чүшинип оқуш, йәни мәхсәтлик оқуштур. Язғучиниң ейтмақчи болғинини китапханниң чоңқур чүшиниши – китапханлиқ мәдәнийитини көрситиду. Шулар арқилиқ әдәбиятимиз истедатлиқ язғучилар билән биллә талантлиқ китапханларғиму толуп-ташиду». Худавәди МӘҢСҮРОВ. Уйғур наһийәси.

33 рет

көрсетілді

0

пікір
Келесі мақала Китап дуниясиға сәяһәт

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы