• Йеңилиқлар
  • 28 Қыркүйек, 2012

Турақлиқ келәчәк үчүн

Йеқинда Нью-Йоркта Хәлиқара течлиқ күнигә беғишланған чарә-тәдбирләр уюштурулған еди. Шуниңға мунасивәтлик ЮНЕСКОниң тәшәббуси вә Қазақстанниң қоллап-қувәтлиши билән БМТниң штаб-квартирисида течлиқ мәдәнийити вә зорлуқ-зомбилиқ көрсәтмәслик мәсилилири бойичә алий дәриҗидики пикир алмаштурушлар болуп өтти. БМТ Баш Ассамблеяси бәкиткән Хәлиқара течлиқ күни һәр жили атап өтүлиду вә дөләтләр билән хәлиқләр арисидики  мунасивәтни, шундақла уларниң арисидики течлиқ идеаллирини мустәһкәмләшкә беғишлиниду. Алий дәриҗидики пикир алмаштурушлар бу қетим «Турақлиқ келәчәк үчүн турақлиқ дуния» мавзуси астида өтти. Чарә-тәдбиргә БМТ Баш кативи Пан Ги Мун, БМТ Баш Ассамблеяси 67-сессиясиниң президенти Вук Йеремич, ЮНЕСКОниң Баш мудири Ирина Бокова, Қазақстан Җумһурийитиниң Мәдәнийәт вә әхбарат министри Дархан Мыңбай, Доминикан Җумһурийитиниң сабиқ президенти Леонель Фернандес, шундақла зиялилар аммисиниң  атақлиқ  вәкиллири билән течлиқни сақлиғучилар, җүмлидин Воле Шойинка, Эли Визель вә Форест Уитакер қатнашти. Министр Дархан Мыңбай Қазақстанда Течлиқ күни инсанийәтниң адаләтлик мәсилисидики идеаллири, разимәнлиги вә паравәнлиги билән биллә қараштурулидиғанлиғини атап өтти. Барлиқ хәлиқләр билән мәдәнийәтләр мәнпийәтлириниң уйғунлаштурулуши ихтисат билән хәлиқниң турмуш паравәнлигиниң өсүшиниң нәтиҗидарлиқ йоли болуп һесаплинидғанлиғини атап көрсәтти. Течлиқ күни даирисидә Қазақстан Җумһурийитиниң БМТ йенидики Турақлиқ вакаләтханисида Қазақстан Җумһурийитиниң ЮНЕСКО ишлири бойичә Миллий комиссияси  ЮНЕСКО клублири миллий федерацияси билән бирлишип, балилар иҗадийитиниң көргәзмисини вә мәзкүр чаригә мунасивәтлик қобул қилишларни уюштурди. Шундақла министр Дархан Мыңбай БМТ Баш кативиниң орунбасари — Җәмийәтлик әхбарат департаментиниң мудири Питер Лонски-Теффенталь билән учришип, БМТ радиосиға сөһбәт бәрди.

186 рет

көрсетілді

0

пікір
Алдыңғы мақала Мәҗлис тәркиви толуқтурулди
Келесі мақала Мәхсәт — толерантлиқ муһитни қелиплаштуруш

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *