• «Уйғур авазиниң» сәйилгаһи
• 01 Тамыз, 2019

Һекмәтлик ибариләр

«Көрсәм – ишинимән», дәпту адәм. «Ишәнсәң – көрисән», дәпту Яратқучи. Баримизға миннәтдар болмиғичә, йоқимизға қол йәткүзәлмәймиз. Нурғун жиллар мабайнида йезилған китапни бирнәччә секундтила көйдүрүвәткили болиду. Достлуқму китапқа охшашла қәдрияттур. Достлуқниң қәдрини билгән адәмла өзигә яхши достларни тапалайду. Бирәвигә атқан патқиғиң, униңға йәтмәй қелиши мүмкин. Амма униң жуқиниң қолуңда қалидиғанлиғи һәққидә унтима. Бирәр адәмниң һаят йолини билмәй, ички дуниясини чүшәнмәй туруп,униңға баһа беришкә алдирима. Аилә қуруш үчүн муһәббәт керәк. Һә уни сақлап қелиш үчүн бәрдашлиқ, төзүмлүк вә кәчүрүмчан болуш лазим. Биринчи болуп кәчүрүм сораш – өзини пәсәйткәнлик әмәс, бәлки алий инсаний хисләттур. Жүриги йепиқ адәмгә Алла даналиқниң ишигини ечип берәлмәйду.