• Соваплиқ иш
  • 08 Тамыз, 2019

Турғунай һаҗимниң хәйрихаһлиғи

Қизилорда вилайити Шиели наһийәси, Бирдайкүл йезисиниң турғуни Таңатар Әбдиқадир оғли Бегманов «Һаҗим» фондиниң президенти Турғунай һаҗим Әхмәтова билән өмүрлүк йолдиши Мәһәммәтҗан һаҗим Һасановқа алаһидә миннәтдарлиғини изһар қилиш үчүн Алмута шәһиригә кәлгән екән. «Тулпар» чарвичилиқ егилигини тәшкилләп, жутдашлириниң арисида бир нәччә адәмни иш билән тәминләп келиватқан Таңатар Бегманов – дайим киндик қени тамған жутиниң йоқини бар қилип келиватқан сахавәтлик инсанларниң бири. Таңатар Бегмановниң ейтишичә, өзи селип, пайдилинишқа берилгән Бидайгүл йезисидики мечитни селиш тәшәббускарлириниң бири Турғунай һаҗим Әхмәтова болған екән. Шу вақиттики Бидайкүл йезисиниң һакими Жақсылық Әлиев тәрипидин Турғунай һаҗим Әхмәтова рәһбәрлигидики «Һаҗим» фондиға мечит селиш үчүн мәхсус йәр аҗритилған екән. Мәһәммәтҗан һаҗим билән Турғунай һаҗим етиқат, имани күчлүк ака-һәдилириниң башлиған ишини аяқлаштуруп, һөҗҗәтләрни рәсмийләштүрүшкә киришкәнлигини хәвәрлигән Таңатар Бегмановқа соваплиқ иши үчүн миннәтдарлиғини билдүрүп, чапан кийгүзди. Андин мечитқа аҗритилған йәрниң һөҗҗәтлирини тапшурған Турғунай һаҗим етиқат билән иман күчәйгән җәмийәттә изгүлүк болидиғанлиғини тәкитләп, Таңатардәк хәлқи, ели үчүн хизмәт қилидиған инсанларниң көп болушини тилиди. Мечит селинип болсиму, һөҗҗәтлирини рәсмийләштүрүштә бир аз «тәр төкүшкә» тоғра келиду дәп ойлиған едим, – дәйду Таңатар Бегманов сөһбәтара. – Турғунай вә Мәһәммәтҗан һаҗимлар өз илкидики йәрниң һөҗҗәтлирини Аллаһниң қутлуқ дәргаһи болған – мечит үчүн ианә қилди. Аллаһ рази болсун, уларға йезимизниң аһалиси вә аиләм намидин чәксиз миннәтдарлиғимни билдүримән. Азнат ТАЛИПОВ.

48 рет

көрсетілді

0

пікір
Келесі мақала Роһий тазилиқ йәкшәнбилиги

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

14 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы