• Йеңилиқлар
  • 08 Тамыз, 2019

Медиаторниң баһалиқ әмгиги

Өткән жили ҚХА медиаторлириға гражданлардин келип чүшкән 33 миң мураҗиәтниң 13 миңи биринчи консультациядин кейин һәл қилинди, 11 миңи бойичә медиативлиқ келишимләр түзүлди. Бирпүтүн җумһурийәтлик Медиация күни даирисидә пайтәхттики Достлуқ өйидә, Nur Otan партияси шәһәрлик шөбисиниң җәмийәтлик қобулханилирида, кәспий иттипақ мәркизидә, Алмута наһийәлик сотида ҚХАниң қоллап-қувәтлиши билән медиация кабинетлириниң “Очуқ ишикләр күни” болуп өтти. Пайтәхттә барлиғи болуп 20 кәспий медиатор ишләватиду, уларниң бир нәччиси “Гражданлиқ җәмийәтни йеңилаштики медиацияниң роли” җумһурийәтлик илмий-әмәлий конференциягә қатнашти. Конференциядә сот вә һоқуқ қоғдаш органлириниң, әдлийә органлириниң, Nur Otan партиясиниң, кәспий иттипақларниң, этномәдәнийәт бирләшмилириниң вәкиллири, пайтәхттики ҚХА илмий-экспертлиқ топиниң, җәмийәтлик разимәнлик һәм анилар кеңәшлириниң әзалири, алимлар җәмийәтлик разимәнлик һәм умуммиллий бирликни тәминләштә медиация институтини күчәйтиш вә техиму тәрәққий әткүзүш чарилирини муһакимә қилди. Илмий-әмәлий конференциядә сөзгә чиққан Президент Мәмурийити ҚХА Кативати мудириниң орунбасари Леонид Прокопенко медиацияниң дөләт вә җәмийәт оттурисидики диалогниң актуаллиғиға бағлиқ актив тәрәққий етиватқан пайдилиқ иҗтимаий қурал екәнлигини алаһидә тәкитлиди. – Медиация – бу қатнашқучи тәрәпләрниң вақтини ихтисат қилиду, талаш туғдуруватқан мәсилиләрниң қарилишини чапсанлитиду. У талаш-тартишларда вә тоқунушларда ғалипларниң һәм мәғлубийәткә учриғанларниң болмаслиғини тәминләйду, – дәп тәкитлиди Леонид Прокопенко. Шуниң билән бирқатарда у гражданларниң өзлириниң оттурисидики ишәнчә дәриҗисини ашурушниң, мәмликәттә һоқуқ-тәртип вә қанунийлиқ әһвалини яхшилашниң муһим екәнлигини тәкитлиди. Леонид Прокопенкониң сөзичә, аһалиниң медиация институтиға болған ишәнчиси һоқуқ-қоғдаш органлириға вә сот системилириға болған ишәнчиниң өсүшигә бағлиқ, чүнки мураҗиәтләрниң 90 пайизи сот һөкүмлириниң адил болмайватқанлиғиға вә һоқуқ қоғдаш органлириниң һәрикәтлиригә мунасивәтлик шикайәтләргә бағлиқ. Медиация институтиниң өзини мукәммәлләштүрүш, һәрбир субъектниң ролини ениқ бәлгүләш зөрүр. Буниң үчүн мәмликәттә тегишлик концепция вуҗутқа кәлтүрүлүши керәк. ҚХА Рәисиниң орунбасари, Нур-Султан шәһәрлик Өзбәк этномәдәнийәт мәркизиниң рәиси, кәспий медиатор Шерзад Полатов өз сөзидә ҚХА йенида медиация институтиниң асасини салғанларниң бири – Л.Гумилев намидики Евразия миллий университетиниң профессори, сәясәтшунаслиқ пәнлириниң доктори Наталья Калашникованиң ролиға тохтилип өтти. Наталья Калашникова болса, өз новитидә, Болғария вә Испаниядин медиация җәмийәтлик институтини шәкилләндүрүш тәҗрибисини өзләштүргән Қазақстанниң алаһидиликлири тоғрилиқ ейтип өтти. У җәмийәтлик медиатор мәртивисини қануний бәкитишниң, Улуқ дала медиациясиниң надир шәкиллирини үгинишниң, өсмүрләр вә студентлар медиациясини тәрәққий әткүзүшниң зөрүр екәнлигини тәкитлиди. Конференция йәкүни бойичә миллий мақалилар топлимини нәшир қилиш вә медиацияни әмәлиятта пайдилиниш үчүн илмий-методикилиқ материалларни тәйярлаш планлиниватиду.

38 рет

көрсетілді

0

пікір
Алдыңғы мақала Ячивәк билән илан
Келесі мақала Көл бойида яки чөмүлгүчиләрниң қулиғиға алтун сирға

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы