• Йеңилиқлар
  • 28 Қыркүйек, 2012

Тәғдиримни өзгәрткән «Уйғур авази»

Буниңдин он йәттә жил илгири туюқсиз әс-һошумни йоқитип жиқилип, бешим қаттиқ зәхмиләнгән еди. Ениқ ейтсам, мейәмниң бир томури йерилип, қан уюп қапту. Шуниңдин бери мени баш ағриғи беарам қилип, әһвалим жилдин-жилға начарлашти. Ахири дохтурлар бешимни  тоққуз қетим операция қилди. Лекин нәтиҗә болмиди. Мениң отумда көйүп-пишип жүргән ата-анам тонуш-билишләр арқилиқ бу ағриғимни Бельгиядә давалашқа болидиғанлиғи тоғрилиқ хәвәр апту. Амма  операция үчүн 43 миң евро һаҗәт екән. Мундақ мәбләғ бизниң аилиниң ухлиса, чүшигә кирмәйдиған пул еди.  Мана шундақ бешимизға күн чүшкән  пәйттә ата-анамниң ядиға «Уйғур авази» гезити кәлди. Дадамниң: «Сөйүмлүк гезитимиз арқилиқ хәлқимизгә мураҗиәт қилип көрәйли. Бу гезитни 15 миңға йеқин уйғур аилиси оқуйду. Биз, уйғурлар, қайғумиз билән хошаллиғимизға ортақлишишқа адәтләнгән хәлиққу» дегән гепи һеликәм қулиғимда. Дадам хаталашмапту. «Уйғур авазида» «Камиләм ярдәмгә муһтаҗ» намлиқ мақалә йоруқ көргән күндин башлап, бизгә ярдәм қолини сунғучиларниң айиғи үзүлмиди. Әйнә шу ярдәм түпәйли мән Бельгиягә берип давалинип, сәллимаза сақийип кәлдим. Пурсәттин пайдилинип, Алмута шәһиридики Горный Гигант мәһәллисиниң уйғур җамаәтчилигигә, Әмгәкчиқазақ наһийәси Маливай йезисиниң турғунлириға вә ата-анамниң мәшрәп-әһлигә, уруқ-туққанлиримға, шундақла сөйүмлүк гезитимизниң көплигән оқурмәнлиригә аилимиз намидин көп рәхмәт ейтмақчимән. Бу күнләрдә ата-анамниң, әлвәттә, мениңму хошаллиғимниң чеки йоқ. Алдимға қойған иш-реҗилирим, арманлирим көп. Мән алди билән тәғдиримниң мошундақ өзгиришигә түрткә болған «Уйғур авази» гезитиға өзәмниң миннәтдарлиғимни изһар қилмақчимән.  «Уйғур авази» — Әйнә шундақ аҗизға мәдәт беридиған, үмүтсизгә үмүт һәдийә қилидиған гезит. Мән буниңға өз мисалимда көз йәткүздүм.

Камиләм МУСАХУНОВА.

Алмута шәһири.          

648 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы