• Әхбаратлар еқими
  • 15 Тамыз, 2019

Гуванамини жүтирип қойсиңиз

Йеқинда бир олтиришта аримиздики йеши чоңирақ киши шәхсий гуванамисини жүтирип қойғанлиғини ейтип, жиғилғанлардин уни тикләш үчүн қәйәргә йолуқуп, қандақ һөҗҗәтләрниң тәләп қилинидиғанлиғини сорап қалди. Биз униңға билгинимизчә чүшәндүрүшкә тириштуқ. Шөһрәт МӘСИМОВ, «Уйғур авази» Әлвәттә, һәрқайсимиз һөҗҗәтлиримизни жүтирип қойишимиз яки оғрилитип қойишимиз мүмкин. «Мән ундақ әһвалға дуч кәлмәймән» дәп һечким кепилликму берәлмәйду. Өйгә кәлгәндә, байиқи киши дуч кәлгән проблема есимға келип, сайтларни варақлап, тегишлик материалларни издидим. Андин кейин йеқин йәрдики аһалиға хизмәт қилиш мәркизигә йолуқуп, төвәндики мәлуматларни алдим. Шундақ қилип, әгәр сиз он күн мабайнида шәхсий гуванамисиз яки қәрәли өтүп кәткән гуванамә билән жүрсиңиз, тегишлик органлар тәрипидин агаһландурулисиз. Әнди һөҗҗәт бир айниң ичидә әслигә кәлтүрүлмисә, у чағда 18 миң тәңгигә йеқин җәриман төләшкә тоғра келиду. Әнди тәләп қилинидиған һөҗҗәтләргә кәлсәк, униң үчүн язмичә әризә (гуванаминиң қандақ әһвалда жүтирилгәнлиги көрситилиши шәрт), баж селиғиниң (2019-жили – 505 тәңгә) төләнгәнлиги яки шундақ селиқтин бошитилғанлиғи тоғрилиқ һөҗҗәт, паспорт (әгәр болса), шундақла, әгәр лазим болса, һөҗҗәтниң оғриланлиғи тоғрилиқ ички ишлар бөлүминиң ениқлимиси тәвсийә қилиниши керәк. Йеңи һөҗҗәт тәйяр болғичә гражданға вақитлиқ гуванамә берилип, у үч айғичә күчкә егә болиду. Адәттә йеңи шәхсий гуванамини 15 иш күнидә елишқа болиду, амма айрим шәһәрләрдә қошумчә һәқ төләш арқилиқ уни чапсанирақ елишқиму болиду. Мәсилән, Нур-Султан, Алмута, Ақтөбә вә Чимкәнт шәһәрлиридә гуванамини бир иш күнидә әслигә кәлтүрүш үчүн һазир 5 миң тәңгигә йеқин баж селиғини төләш керәк, әнди үч күндә әслигә кәлтүрүш болса, 2 700 тәңгә туриду. Вилайәт мәркәзлиридә һөҗҗәтни үч иш күнидә әслигә кәлтүрүш 5 миң, бәш иш күнидә болса, 2 700 тәңгигә тохтайду. Наһийәләр вә вилайәтләр қаримиғидики шәһәрләрдә һөҗҗәтни йәттә иш күнидә әслигә кәлтүрүш 1 200 тәңгә туриду. Бу йәрдә гезитханларда шәхсий гуванамини әслигә кәлтүрүштә имтиязлар тутулғанму? дегән соалниң пәйда болуши тәбиий. Әлвәттә, Қазақстан гражданлириниң мәлум категориялири гуванамә елиш үчүн баш селиғини төләштин бошитилған. Уларға Кеңәш Иттипақиниң Қәһриманлири, Социалистик Әмгәк Қәһриманлири, Шөһрәт ордениниң вә Әмгәк Шөһрити ордениниң толуқ кавалерлири, «Халық Қаһарманы», «Қазақстанның Еңбек Ері» унванлириға сазавәр болғанлар, «Алтын Қыран», «Отан» орденлири билән мукапатланғанлар, көпбалилиқ анилар, «Қәһриман ана» атиғиға еришкәнләр, «Алтын алқа» вә «Күміс алқа» медальлириға еришкәнләр, Улуқ Вәтән урушиниң қатнашқучилири вә уларға тәңләштүрүлгән шәхсләр, накалар, шундақла балилиғидин тартип наканиң атиси яки аниси, қерилар вә умумий типтики накалар мәһкимилиридә яшаватқанлар, житим балилар вә ата-анисиниң ғәмхорлуғидин айрилип, балилар өйлиридә яки интернатларда толуқ дөләт тәминатида яшаватқан балилар, Чернобыль һалакитиниң ақивитидә зәрдап чәккән гражданлар ятиду. Ахирида шуни қошумчә қилимизки, һазир гражданлиқ-һоқуқ характеридики һөҗҗәтләрниң бесим қисми аһалиға хизмәт қилиш мәркәзлиридә рәсмийләштүрүлиду.

39 рет

көрсетілді

0

пікір
Алдыңғы мақала Спартакиада аяқлашти
Келесі мақала Үзүлгәнни улайли, сунғанни таңайли

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы