• Йеңилиқлар
• 21 Тамыз, 2019

Йеңи тәртип бойичә

Президент Қасым-Жомарт Тоқаев миллий алий оқуш орунлириниң вә Баш прокуратура йенидики Һоқуқ қоғдаш органлири академиясиниң ректорлирини, Қазақстан Җумһурийити Миллий музейиниң мудирини вә “Астана Опера” Дөләт опера вә балет театриниң рәһбирини тайинлаш тәртивини қайта қарап чиқиш тоғрилиқ Пәрманни имзалиди. Пәрманға мувапиқ жуқурида аталған мәһкимиләрниң рәһбәрлири уларниң паалийитигә йетәкчилик қилидиған тегишлик саһаниң вакаләтлик органлири тәрипидин тайинлиниду. Җавапкәрлик лавазимға намзатларни таллавелиш конкурслуқ асаста әмәлгә ашурулиду. Тайинлашниң йеңи тәртиви 11 миллий алий оқуш орнини – әл -Фараби намидики Қазақ миллий университетини, Л.Н. Гумилев намидики Евразия миллий университетини, Қ.И. Сәтбаев намидики Қазақ миллий тәтқиқат техникилиқ университетини, Абай намидики Қазақ миллий педагогика университетини, Қазақ миллий аграр университетини, Қурманғазы намидики Қазақ миллий консерваториясини, Қазақ миллий сәнъәт университетини, Т.К. Жүргенев намидики Қазақ миллий сәнъәт академиясини, С.Д. Асфендияров намидики Қазақ миллий медицина университетини, Қазақ миллий хореография академиясини, Қазақ миллий қизлар педагогика университетини өз ичигә алиду.