• Йеңилиқлар
• 28 Тамыз, 2019

Чәмбәрчас тәйяр

Шәмшидин АЮПОВ, «Уйғур авази» Алмута шәһиридики М.Яқупов намидики 101-мәктәп-гимназияму йеңи оқуш жилиға толуқ тәйяр. Мәзкүр билим дәргаһида хошал боларлиқ әһвалларму йетәрлик. Гимназия мудири Хуршидәм Ниязованиң тәкитлишичә, өткән оқуш жилида мәктәпни 17 оқуғучи тамамлиған болса, уларниң они грант һесавиға билим елиш бәхтигә еришип, 5 учумкар һәқлиқ алий оқуш орунлириға чүшүпту. Икки оқуғучи болса, чәт әлгә оқушқа кетипту. Әнди бийил 135 гөдәк 1-синипқа қәдәм ташлаш алдида туриду. Буниңдин ташқири, 50 бала мәктәп йешиғичә болған 0-синипқа қобул қилинипту. Тәкитләш лазимки, бәш биринчи синипниң вә икки 0-синипниң ечилиши, әлвәттә, мәктәп мәмурийити көпчилик билән йеқин мунасивәт орнитип, тәшвиқат ишлирини техиму җанландурғанлиғиниң нәтиҗиси. Мәзкүр билим дәргаһиға бийил 10 пән муәллими ишқа қобул қилинип, йеңи оқуш жили 1300 оқуғучи билән башланмақчи.