• Йеңилиқлар
  • 28 Тамыз, 2019

Президент Пәрманлири бойичә

Президент Қасым-Жомарт Тоқаев Абу Насир әл-Фарабиниң 1150 жиллиқ тәвәллудиға тәйярлиқ көрүш вә уни өткүзүш, шундақла Абай Қунанбайоғлиниң 175 жиллиқ тәвәллудиға тәйярлиқ көрүш вә уни өткүзүш бойичә дөләт комиссиялирини қуруш тоғрилиқ Пәрман имзалиди. Пәрманға мувапиқ, Билим вә пән министрлиги Абу Насир әл-Фарабиниң 1150 жиллиқ тәвәллудиға тәйярлиқ көрүш вә уни өткүзүш бойичә дөләт комиссиясиниң иш оргини, Мәдәнийәт вә спорт министрлиги Абай Қунанбайоғлиниң 175 жиллиқ тәвәллудиға тәйярлиқ көрүш вә өткүзүш бойичә дөләт комиссиясиниң иш оргини болуп бәлгүләнди. Мәмликәт Һөкүмитигә тәвәллудлар планиниң лайиһисини Дөләт комиссиясиниң қарап чиқишиға 2019-жилниң 1-октябрьғичә тәвсийә қилиш тапшурулди. Икки чоң тәвәллудни нишанлашқа қурулған комиссияләр тәркивигә дөләт кативи (рәис), Президент Мәмурийитиниң Рәһбири (рәисниң орунбасари), Премьер-министрниң биринчи орунбасари – малийә министри (рәисниң орунбасари), дөләт кативи кативатиниң рәһбири (комиссия кативи), шундақла бирқатар комиссия әзалири кирди. Шундақла Дөләт рәһбири 2020-жилни Пидаийлар жили дәп аташ тоғрилиқ Пәрманиниму имзалиди. Пәрманға мувапиқ җумһурийәт Һөкүмитигә Пидаийлар жилини өткүзүш бойичә зөрүр чариләрни көрүш тапшурулуп, Пәрманниң орунлинишини назарәт қилиш Президент мәмурийитигә жүкләнди. Дөләт рәһбири имзалиған йәнә бир Пәрман Қазақстан Җумһурийити Президентиниң йенидики Яшлар кадр резерви бойичә миллий комиссия қуруш тоғрилиқ болди. Пәрманға мувапиқ Миллий комиссия тоғрилиқ, шундақла Миллий комиссияниң тәркиви, Президент яшлар кадр резервини шәкилләндүрүш қаидилири тәстиқләнди.

415 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы