• Йеңилиқлар
  • 28 Тамыз, 2019

“Рухани жаңғыру” программиси – иш давамлишиватиду

Йеқинда Ақордида дөләт кативи Марат Тажинниң рәислигидә “Рухани жаңғыру” программисини әмәлгә ашуруш бойичә миллий комиссияниң мәҗлиси болуп өтти. Учришишта ׂ“Рухани жаңғыру” программисини 2,5 жилда әмәлгә ашуруш йәкүни қарилип, алдики вақитқа вәзипиләр бәлгүләнди. Дөләт кативи Марат Тажин мәҗлисни ечип, программиниң барлиқ йөнилишлири бойичә миқияслиқ ишниң жүргүзүлгәнлигини тәкитлиди. Мәсилән, қазақ тили алфавитини латин һәрипигә көчириш Һөкүмәт тәрипидин бәлгүләнгән басқучлуқ чарә-тәдбирләр планиға мувапиқ жүргүзүлүватиду. Орфографиялик, методикилиқ, аталғушунаслиқ вә әхбаратлиқ иш бойичә төрт топ ишләватиду. “Йеңи гуманитарлиқ билим” лайиһиси бойичә Cambridge University Press, Oxford University Press вә башқа бирқатар чоң хәлиқара нәшриятлар билән һәмкарлиқта философия, сәясәтшунаслиқ, дуниявий тарих, ихтисат, әдәбият нәзәрийәси, хәлиқара һоқуқ, ориенталистика (Шәриқ мәмликәтлириниң тарихини, ихтисадини, мәдәнийитини, тиллирини үгинидиған пәнләр жиғиндиси), педагогика вә башқа пәнләр бойичә 48 дәрислик қазақ тилиға тәрҗимә қилинип чиқирилди. Бу ишқа алий оқуш орунлириниң йетәкчи оқутқучилири, муһәррирләр, тәрҗиманлар вә лингивистлар болуп, дәрислик қазақ тилиға тәрҗимә қилинип чиқирилди. 300дин ошуқ мутәхәссис қатнашти. Дәрисликләр мәмликәтниң 113 алий оқуш орниға йәткүзүлүп, оқутқучилар билән студентларниң жуқури баһасиға егә болди. “Туған жер” лайиһиси бойичә он миңдин ошуқ меценатниң қатнишиши билән 1 800 мәдәнийәт, билим бериш, спорт объекти селинди вә 1 500 шундақ объект реконструкция қилинди. “Заманивий Қазақстан мәдәнийити аләмшумул дунияда” лайиһиси даирисидә тарихимизда дәсләпки қетим Қазақстан поэзияси вә прозисиниң антологияси БМТниң 6 тилиға тәрҗимә қилинип чиқирилди. Антология бийил сентябрьдә хәлиқара дәриҗидә тонуштурулиду. “Қазақстанниң муқәддәс җайлири” лайиһиси бойичә 28 тарихий объект реставрация қилинди, миқияслиқ илмий тәтқиқат ишлири жүргүзүлди. “Отырар” вә “Тамғалы” визит-мәркәзлириниң қурулуши аяқлишиватиду. Тарихий-мәдәний мирас объектлирини қоғдаш вә пайдилиниш тоғрилиқ қанун мукәммәлләштүрүватиду. BBC WorldNews вә Euronews телеканаллири билән һәмкарлиқта Қазақстанниң муқәддәс җайлири тоғрилиқ һөҗҗәтлик фильмлар түркүми чүширилди. Қазақстан җәмийәтлик разимәнлик институти вә барлиқ регионларда “Рухани жаңғыру” программисиниң лайиһә идарилири қурулди. Мәдәнийәт вә спорт министрлиги тәрипидин мәдәнийәт саһасидики меценатлиқни рәғбәтләндүрүш бойичә тәклипләр тәйярланди. Билим вә пән министрлигидә студентларни пидаийлиқ паалийәт үчүн маддий рәғбәтләндүрүш механизми ишләнди. Мәҗлис давамида дөләт кативи бирқатар йеңи лайиһиләрни ишқа қошушни тапшурди. Мәсилән, 4 – 6-сентябрьдә Қазақстан пайтәхтидә Азия әллири Язғучилириниң биринчи форуми өткүзүлүп, униңға 40қа йеқин дөләттин атақлиқ әдәбиятчилар қатнишиду. Август ейиниң ахирида “Музейдики түн” лайиһиси башлиниду. Униң даирисидә қазақстанлиқларға айниң һәр төртинчи шәнбисидә саат 21.00дин 03.00гичә тегишлик аһалилиқ пункттики музейларниң бирини һәқсиз зиярәт қилиш имканийити берилиду. Алдики телемәвсүмдә мәдәнийәтшунаслиқ мавзусиға даир йеңи телерадио вә интернет-лайиһиләр түркүми чиқиду. Классикилиқ музыка мухлислириға йеқип қалған “Классик” радиосини аңлитиш территориясини кәңәйтиш көздә тутулуватиду. Марат Тажин 2020-жилниң Пидаийлар жили дәп елан қилинишиға бағлиқ дөләт органлириға студентларни җәмийәтлик пайдилиқ паалийәт үчүн қоллап-қувәтләш чарилириниң көрүлүшини чапсанлитишни тапшурди. “Рухани жаңғыру” программисини әмәлгә ашуруш бойичә миллий комиссия мәҗлисидә Президент Мәмурийити Рәһбириниң орунбасари Мәлик Мурзалин, әхбарат вә җәмийәтлик, мәдәнийәт вә спорт министрлири Дәурен Абаев, Ақтоти Райымқулова, шундақла билим вә пән вице-министри Фатима Жақыпова сөзгә чиқти.

467 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы