• Йеңилиқлар
• 04 Қыркүйек, 2019

Қазақстан этнотеатрлириниң фестивали болуп өтти

Йеқинда Қазақстан Жумһурийитиниң Мәдәнийәт вә спорт министрлиги Қазақстан хәлқи Ассамблеяси вә Қостанай шәһири һакимийитиниң қоллап-қувәтлиши билән V Қазақстан этнотеатрлириниң җумһурийәтлик театр фестивали болуп өтти. Түрлүк этносларниң қазақ елини маканлиғининиң 75 жиллиғиға һәм «Яшлар жилиға» беғишланған мәзкүр фестивальниң мәхсити – алтә тилда сөзләйдиған театрлар арисидики мунасивәтни техиму мустәһкәмләш, театрларниң репертуарлирини ениқлаш, театр коллективлириниң иҗадий издиниш паалийитини баһалаш һәм түрлүк милләтләрниң мәдәнийитини көпчиликкә тонуштуруштин ибарәт болди. Җумһурийәтлик дөләт академиялик Корей музыкилиқ-комедия театри, Қостанай вилайәтлик рус драма театри, Чимкәнт шәһәрлик өзбәк драма театри, Қ.Ғоҗамияров намидики дөләт академиялик Уйғур музыкилиқ- комедия театри өз ана тилида намайиш қилған һәрхил сәһнә әсәрлири арқилиқ актерлар һәм режиссерлар бир-бири билән тәҗрибә алмаштурди. Ғ.Мүсрепов намидики Қазақ дөләт академиялик балилар вә өсмүрләр театриниң бәдиий рәһбири, сәнъәтшунаслиқ пәнлириниң намзити Еркин Жуасбек Қазақстан Җумһурийити Парламенти Мәҗлисиниң депутати, Қазақстан хәлқи Ассамблеясиниң әзаси Наталья Жумадилдаева, кино вә театр актери, Қазақстанниң хизмәт көрсәткән артисти, М.Лермонтов намидики дөләт академиялик рус драма театриниң актери Михаил Токарев, сәнъәтшунаслиқ пәнлириниң намзити, Т.Жүргенов намидики Қазақ миллий сәнъәт академиясиниң доценти, Хәлиқара театр тәнқитчилири ассоциациясиниң әзаси (ІATC) Анар Еркебай, театр актери вә режиссери, Қазақстанниң хизмәт көрсәткән әрбаби, «Nomad Cіty Hall» МКҚКниң баш режиссери Сайлау Қамиевтин ибарәт қазилар топи спектакльларни баһалиди. Жюри қарари бойичә, фестивальниң әң чоң мукапити «Үздік спектакль» номинациясини җумһурийәтлик дөләт академиялик Корей музыкилиқ-комедия театриниң йәттә актери иштрак қилған «Қозы көрпеш – Баян сулу» спектакли йеңивалди. Мәзкүр спектакльниң режиссери – Дина Жумабаева. Фестивальға Қ.Ғоҗамияров намидики дөләт академиялик Уйғур музыкилиқ-комедия театри «Апәт» спектакли билән қатнашти. Мәзкүр әсәр муәллипи вә режиссери – ҚҖниң хизмәт көрсәткән әрбаби Ялкунҗан Шәмиев «Фестивальдың үздік режиссерлік жұмысы» номинацияси бойичә лауреат аталди. Меһрибанәм ҺОШУРОВА, Уйғур театри Әдәбият бөлүминиң башлиғи.