• Йеңилиқлар
  • 04 Қыркүйек, 2019

Байсейитлиқларниң изгү ишлири

Рашидәм РӘҺМАНОВА, «Уйғур авази Мана язлиқ тәтилму аяқлишип, йеңи оқуш жили башланди. Әмгәкчиқазақ наһийәси Билим бөлүминиң мәлуматлири бойичә, наһийәниң 84 мәктивидә бийил 49 830 бала билим алидиған болиду. Униң ичидә 5430 бала – 1-синип оқуғучиси. Наһийә мәктәплири арисидики уйғур тилида билим беридиған билим дәргаһлириға келидиған болсақ, мәктәп муәллимлири, наһийәлик Уйғур этномәдәнийәт мәркизи, ата-анилар комитети, җәмийәтлик ишлар активистлириниң күч чиқириши нәтиҗисидә уйғур синиплириға бийил 300гә йеқин бала топланди. Әпсус, уйғур аһалиси зич җайлашқан, уйғур синиплири моҗут, амма шуниңға қаримай, 1-синипқа бала топланмиған йезиларму йоқ әмәс. Шундиму бу алдинқи жиллардикигә қариғанда бираз артуқ болуп, мәктәплиримизниң ишидики илгириләшләрдин дерәк бериду. Наһийәдики бирдин-бир таза уйғур тилидики билим дәргаһи – Байсейит йезисидики И.Тайиров намидики уйғур оттура мәктивидә әң көп бала топланди. Ушбу йеза турғунлириниң 99,9 пайизини миллитимиз вәкиллири тәшкил қилиду һәм бирла мәктәп моҗут. Бирақ, шуниңға қаримай, бәзибир ата-анилар пәрзәнтлирини хошна йезилардики мәктәпләрниң рус синиплириға тошуп оқутиду. Көңүлни хошал қилидиған йери – көпчиликниң күч чиқириши билән уларниң сани бийил хелә кемиди. Атап кетиш керәкки, И.Тайиров намидики уйғур оттура мәктиви – наһийәдики илғар билим дәргаһлириниң қатариға кириду. 2018-2019-оқуш жили мәктәптин 37 бала учум болуп, уларниң төрти «Алтын белгі» саһиби аталди. Биртуташ миллий тестқа қатнашқан 11 оқуғучиниң барлиғи алий оқуш орунлириға чүшти. Мәктәп йезидики тиҗарәтчиләр вә сахавәтлик инсанлар тәрипидинму қоллап-қувәтләшкә егә. Мәсилән, бийил Гүлҗамал Зиямова, Турсунай Үсәнова, Нурдөләт Тохтияров, Дилшат Абдурасулов, Икрим Гайитов, Һасанҗан Үсәнов, Диләрәм Иминова, Гүлбадәм Зиямова, Мурадил Савутов кәби миллий маарип җанкөйәрлириниң вә «Пчелка» дехан егилигиниң һамийлиғида бирнәччә кабинет җиддий җөндәштин өтти. «Заманивий устазлар бөлүми» вә «Методикилиқ кабинет» ечилди. Улар заманивий қурал-ярақ вә конференц-үстәл һәм орундуқлар билән тәминләнди. Уйғур мәдәнийәт мәркизиниң Байсейит йезисидики шөбиси, аяллар кеңиши вә жут активисти Ренат Садировниң уюштуруши билән йезиниң бир топ яшлири «Мәктәпкә — йол» акциясини өткүзүп, бийил 1-синипқа барған 75 балиға дәптәр, қериндаш вә башқиму керәк-яриғини елип, житим-йесирларға маддий ярдәм көрсәтти. Насировлар әвладиниң һамийлиғида қазақ тили кабинети җиддий җөндәштин өтүп, Улуқ Вәтән урушиниң ветерани Шайим Насировниң нами берилди һәм мультимедиялик тахта, компьютер, проектор вә башқиму васитиләр билән толуқ җабдуқланди. – Әлвәттә, чоңларниң жуқури кәйпият билән соғиларни тапшуруп, «Яхши оқи» дәп ейтишлири қаракөзлиримизниң бешини көккә йәткүзди. Уларниң хошаллиғида чәк болмиди, – дәйду мәктәп мудири Ильяр Нурхалиқов жутдашлириға миннәтдарлиғини билдүрүп. – Ишинимизки, байсейитлиқ қериндашлиримизниң бу алийҗанап ишлири башқиларға үлгә болуп, анатиллиқ синиплардики пәрзәнтлиримизниң сани көпийидиған болиду. Әмгәкчиқазақ наһийәси.

382 рет

көрсетілді

0

пікір
Алдыңғы мақала Қазақстан этнотеатрлириниң фестивали болуп өтти
Келесі мақала ҚХА: 10 миң оқуғучиға 200 миллион тәңгилик ярдәм көрсәтти

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы