• Редакция почтисидин
  • 11 Қыркүйек, 2019

Жутдашларға рәхмәт

Мәлумки, һәр жили йеңи оқуш жили һарписида җумһурийәт даирисидә «Мәктәпкә – йол» хәйрихаһлиқ акцияси өткүзүлиду. Тәкитләш лазимки, мәзкүр хәйрихаһлиқ акцияниң асасий мәхсити — тәминати төвән вә көпбалилиқ аилиләргә маддий вә мәнивий җәһәттин ярдәм бериш. Жилдин-жилға униңға қатнишип, өзлириниң ярдәм қолини сунуватқан сахавәтлик инсанлар сани көпәймәктә. Қошумчә қилсақ, «Мәктәпкә – йол» хәйрихаһлиқ акцияси елимизниң Тунҗа Президенти Нурсултан Назарбаевниң «Келәчәккә нишан: мәнивий йеңилиниш» намлиқ мақалисида қәйт қилинған «Туған жер» программисиға аһаңдаш болуп, инсанларни ана жутиниң, туғулған йериниң гүллинишигә биркишилик һәссисини қошушқа дәвәт қилмақта. Хошал қилидиғини, Чоң Дехан йезисиниңму жигит-қизлири ана жутиға ярдәм беришни әнъәнигә айландурмақта. Мана өткән язда жутумиз яшлириниң тәшәббуси билән йезида заманға лайиқ спорт мәйданчиси бәрпа қилинди. Бу ишни чоң-кичикниң һәммиси қоллап-қувәтләп, маддий вә мәнивий ярдәм бәрди. Әнди йеңи оқуш жили һарписида сахавәтлик жутдашлиримиз «Мәктәпкә – йол» акциясигә даирисидә өз ярдимини көрсәтти. Мәсилән, тиҗарәтчи Әршидин Әмәров 20 балиға мәктәп сумкилирини, дәптәр-қәләмлирини һәдийә қилди. Әнди Бақытүл Сайденова болса, бир оқуғучиға спорт формисини елип бәрди. Шундақла мәктивимиз коллективиму чәттә қалмай, балиларға өз соғилирини тапшурди. Умумән, бийил «Мәктәпкә – йол» акцияси даирисидә йезимиздики 25 балиға ярдәм көрситилди. Мән пурсәттин пайдилинип, мошундақ ишларға бепәрва болмай, хәйрихаһлиқ ярдимини сунған барлиқ жутдашлиримға тәшәккүр изһар қилмақчимән. Илия ҚИЯСОВ, Чоң Дехан оттура мәктивиниң иҗтимаий педагоги. Уйғур наһийәси.

204 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы