• Йеңилиқлар
  • 11 Қыркүйек, 2019

Чоңқур қанаәтлиниш һасил қилиду

Қазақстан Җумһурийитиниң Президенти Қасым-Жомарт Тоқаевниң «Конструктив жәмийәтлик диалог — Қазақстанниң турақлиқлиғи вә гүллинишиниң асаси» намлиқ Мәктүбини зор қизиқиш билән тиңшидуқ. Чүнки Мәктүптә еқимдики вә истиқбалдики стратегиялик тәрәққият йөнилишлири ипадилинип, һаятий зөрүр мәсилиләр әкис әткән. Мәктүптә хәлиқниң көңлидики гәпләр ейтилип, һәрқайисимизда чоңқур қанаәтлиниш туйғулирини ойғатти. Шуни тәкитләш керәкки, Мәктүптә иҗтимаий мәсилиләргә алаһидә көңүл бөлүнгән. Униңда турушлуқ өй қурулуши, медицинилиқ хизмәт көрситиш билән билим бериш, кичик вә оттура тиҗарәт, дөләт хизмити, коррупциягә қарши күрәш елип беришқа алаһидә көңүл бөлүнгән. Мени шәхсән өзәм хизмәт қиливатқан маарип саһасиға мунасивәтлик оттуриға қоюлған ой-пикирләр билән көрсәтмиләр алаһидә қизиқтурди. Маарип саһасини дуниявий стандартлар дәриҗисигә елип чиқиш күн тәртивидики мәсилиләрниң бири. Асасий мәсилә йеза йәрлиридә илғар муәллимләрниң тапчиллиғи һәққидиму алаһидә тохталди. Шуниң үчүнму «Дипломмен — ауылға» дөләт программиси даирисини кәңәйтиш керәклиги ейтилди. Һөкүмәткә кәлгүси жили мошу мәхсәттә 20 миллиард тәңгилик мәбләғ бөлүшни тапшурди. Андин талантлиқ, билим елишқа хуштар йеза яшлирини елимиздики вә чәт әлдики алий оқуш орунлириға оқутуш лазимлиғини тапшурди. Елимиз Президенти һөкүмәткә биз, муәллимләрниң, иҗтимаий әһвалини яхшилаш билән Август кеңәшмисидә кәлгүси төрт жилда муәллимләрниң маашини икки һәссә ашуруш һәққидә көрсәтмиси көңлимиздин чиқти. Шундақ екән, бизгә көрситиливатқан ғәмхорлуқлар техиму чоң җавапкәрчилик жүкләйдиғи ениқ. Бу бизни илһамландуруп, қизиқишимизни техиму ашуриду. Бәхитҗан Мәһәмәтов, А.Розибақиев намидики оттура мәктәпниң психолог муәллими. Панфилов наһийәси.

24 рет

көрсетілді

0

пікір
Алдыңғы мақала Әмгигимиз билән җавап берәйли
Келесі мақала Вәтәнпәрвәрликкә тәрбийиләшкә йол ачиду

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *