• Йеңилиқлар
  • 11 Қыркүйек, 2019

Вәтәнпәрвәрликкә тәрбийиләшкә йол ачиду

Президентимиз Қасым-Жомарт Тоқаевниң Қазақстан хәлқигә йоллиған дәсләпки Мәктүбини диққәт билән тиңшидим. Болупму Дөләт рәһбириниң «Туризмни, болупму экотуризм вә этнотуризмни тәрәққий әткүзүшкә ихтисатниң муһим саһаси сүпитидә алаһидә әһмийәт бериш һаҗәт» дегән пикри шәхсән мениңда чоң қизиқиш һасил қилди. Чүнки өткән әсирниң 90-жиллири мәктәп оқуғучилирини хасийәтлик вә мәнзирилик җайларни зиярәт қилишқа апириш аммибаплиққа айланған еди. Һели ядимда, мән һазирқи М.Яқупов намидики 101-мәктәп-гимназиядә дәсләпки һәрбий тәйярлиқ пәниниң муәллими болуп ишлигән жиллири мәктәп мудири Имһанәм Тохтахунованиң беваситә тәшәббуси вә уюштуруши билән паалийәтчан муәллимләр билән жуқарқи синипта оқуватқан әлачи оқуғучиларни жилиға бир қетим Уйғур наһийәсиниң хасийәтлик вә мәнзирилик җайлирини зиярәт қилишқа апираттуқ. Мәхсус яллиған автобуста оқуғучилар алди билән Чарин чатқаллиғини, андин Аришаң шипалиқ сулирини вә Кәтмән теғидики Назугум өңкүрини зиярәт қилатти. Әйнә шу сәпәрләр давамида һис қилғиним, оқуғучилар жуқурида нами аталған хасийәтлик җайларни өзи көзи билән көргәндин кейин, китапта оқуғанлири билән селиштуруп, чоңқур тәсиратлар илкидә қайтатти. Көргән-билгәнлирини бир-биригә сөзләп берип, өзара муназирә қилишатти. Амма, немишкиду, билмидим, кейинки вақитларда мәктәп оқуғучилирини әйнә шундақ хасийәтлик җайларға апириш әнъәниси әмәлдин қеливатиду. Ейтмақчи болғиним, һазирму оқутуш ана тилида жүргүзүлүватқан мәктәплиримизниң рәһбәрлири паалийәтчан муәллимләр билән жуқарқи синипта әлачи оқуватқан оқуғучиларни жилиға бир қетим елимизниң мәнзирилик вә хасийәтлик җайлирини зиярәт қилишқа апарса, уларда туғулған йәргә болған муһәббәт һис-туйғулири шәкиллинәр еди. Җәмләп ейтсам, туризмни тәрәққий әткүзүш бойичә мошундақ әһмийәтлик изгү ишлар яш әвлатни һәқиқий вәтәнпәрвәрликкә тәрбийиләшкә йол ачиду дәп ойлаймән. Хамит ӘНСӘРДИНОВ, тиҗарәтчи. Алмута шәһири.

51 рет

көрсетілді

0

пікір
Алдыңғы мақала Чоңқур қанаәтлиниш һасил қилиду
Келесі мақала Һәммимизгә муһим вәзипиләрни жүкләйду

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

28 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы