• Йеңилиқлар
  • 11 Қыркүйек, 2019

Мәҗлис рәисини қобул қилди

Қазақстанниң Тунҗа Президенти Нурсултан Назарбаев Парламент Мәҗлисиниң рәиси Нурлан Ниғматулинни қобул қилди, дәп хәвәрлиди Тунҗа Президент – Елбасыниң мәтбуат хизмити. Учришиш давамида Нурсултан Назарбаевқа Парламент мәҗлисидики Nur Otan партияси фракциясиниң һазирқи паалийити вә планлири һәққидә әхбарат бәрди. – Һазир Мәҗлистә 45 қанун лайиһиси бар. Барлиқ үч фракция ишқа киришти. Бизниң фракцияниң алдида Сизниң тапшурмилириңизниң, сайлам алдидики вәдиләрниң орунлиниши билән “100 ениқ қәдәм” Милләт планиниң әмәлгә ешишини сүпәтлик назарәт қилиш вәзиписи қоюлди, – деди Нурлан Ниғматулин. Шуниң билән биллә Елбасыға Европа билән Азия әллири парламентлири спикерлириниң кеңәшмисигә тәйярлиқ тоғрилиқ мәлумат берилди. – 24-сентябрьдә өтидиған спикерлар кеңәшмисигә дунияниң 65 дөлитидин келидиған делегатлар қатнишиду. Елимиздә мошундақ алий дәриҗидики парламентлиқ чарә-тәдбир ахирқи 20 жилда дәсләпки қетим өткүзүлмәкчи. Европа вә Азия әллири парламентлири спикерлириниң бу учришиши Сизниң евразиялик интеграция тоғрилиқ идеяңизниң 25 жиллиғиға беғишланған, – деди Қазақстан Җумһурийити Парламенти Мәҗлисиниң рәиси.

383 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы