- Шеирлар
- 19 Қыркүйек, 2019
«Уйғур авазиға» йезилдиңму?
Йезилдиңму бурадəр,
«Авазиға» хəлқиңниң.
Йезилмисаң биливал,
Йезилғандин пəрқиңни.
«Авазини» оқуған
Миллитигə көйүнəр.
Утуқлирин хəлқиниң,
Оқуп, билип сөйүнəр.
Һəптисигə бир қетим
Меһман болуп келиду.
Йеңилиқлар ғəзнисин,
Чашқа қилип сепиду.
Тарихимиз бəтлирин
Варақлайду еринмəй.
Алийҗанап пəрзини,
Өтəп келəр сүрүнмəй.
Ана мəктəп, Ана тил
Мавзусиға чөкиду.
Өзгə тилға кəткəнни
Айимастин сөкиду.
Сийлисаң сəн өзəңни
Уйғурумниң нəсли дəп.
Йезилғин «Авазиңға»
Биркишилик пəрзим дəп.
Һасил АБДРИМОВ.
207 рет
көрсетілді0
пікір