• «Уйғур авазиниң» сәйилгаһи
• 19 Қыркүйек, 2019

Мунәввәр әнъәнивий мәдәнийәт

Мәдәнийәт — тәрәққиятниң мәркәзлик ипадилиниши, илғар түзүм, илғар идея вә пән-техника билимлирини өз ичигә алған иҗтимаий тәрәққиятниң мәдәний дәриҗисини өлчәйдиған муһим васитә. Хәлқимизниң мунәввәр әнъәнивий мәдәнийити — дәвир билән тәң илгириләватқан илғар мәдәнийәткә майил мәдәнийәт. Уйғурлар — көчмән-чарвичи милләттин өзгәргән, бирқәдәр балдур олтирақлашқан һәм йеза егилиги вә шәһәр мәдәнийитини қобул қилған милләт. Болупму йеза егилигигә, қолһүнәрвәнчилигигә вә содиға маһир. Улар өз зиминида кариз қатарлиқ су иншаәтлирини бәрпа қилип, шөһрәт қазанған. Тәңритағниң җәнубида вә шималида деханчилиқ һәм чарвичилиқ билән шуғулланған. Җәнупта буғдай, шал, шәриқтә, йәни Турпан, Пичан, Тоқсунда аққонақ, кевәз терип, териқчилиқ қурулмисини бәрпа қилди. Бағвәнчилик җәһәттин алғанда, Турпанда – үзүм, Қумулда – қоғун, Корлида – нәшпүт, Қәшқәрдә – анар, бадам вә әнҗир, Хотәндә қәғәзяңақ пәрвиш қилишни әнъәнигә айландурған. Чарвичилиқта асасий орунни Мәкит қойи, Куча қара қойи, Хотән кичикқуйруқлуқ қойи қатарлиқ нәсиллик маллири егиләйду. Атуш, Қәшқәр, Қариқашта сода һәм қолһүнәрвәнчилик яхши тәрәққий әткән. Хотән болса, ипәк тоқумичилиғи вә гилими билән дунияға мәшһур. Қәшқәр - Һейтгаһ җамәси, Турпан Сулайман мунариси қатарлиқ мемарчилиқ сәнъитиниң пешивалири билән даңлиқ. Жуқурида қәйт қилинған миллий алаһидиликлиримиз хәлқимизниң мунәввәр әнъәнивий мәдәнийитиниң ярқин ипадисидур.