• Йеңилиқлар
  • 03 Қазан, 2019

Макан-җай ениқлимиси рәт қилиниду

Дөләт тәрипидин көрситилидиған хизмәтләрни елишта новәттә туруп вақитни бошқа өткүзмәслик вә бюрократияни йоқ қилиш мәхситидә 1-ноябрьдин тартип макан-җай ениқлимиси рәт қилиниду. Насирахун РОЗАХУНОВ, “Уйғур авази” “Гражданлар үчүн һөкүмәт” дөләт корпорациясиниң башлиғи Асемгүл Балташева макан-җай ениқлимисини күчидин қалдуруш қәрәли һәққидә ейтип бәрди. – Биз хәлиққә хизмәт көрситиш мәркәзлиридә әң көп алидиған хизмәт түри – бу макан-җай ениқлимиси. Әнди 1-ноябрьдин тартип мәзкүр хизмәт түрини көрситишни тохтитимиз. Бу хизмәт көрситилмәйду. Бизниң мутәхәссислиримиз қисқа вақит ичидә чоң ишни әмәлгә ашурди, әнди мәзкүр ениқлимини елишниң һаҗити йоқ, – деди А.Балташева электронлуқ һөкүмәтниң рәқәмлик йеңилиқлирини тонуштуруш мәрасимида. Униң ейтишичә, бу ишниң башлиниши. – Келәчәктә макан-җай ениқлимисиға қошумчә йәнә 28 ениқлимини елип ташлашни планлаватимиз. Шу чағда биз хелила аваригәрчиликләрдин қутилидиған болимиз. Биз әнди бош вақтимизни аилимизгә, балилиримизға, йеқинлиримизға сәрип қилалаймиз, – дәп тәкитлиди спикер. Буниңдин ташқири А.Балташева бирқатар хизмәтләрниң проактивлиқ хизмәтләр қатариға киргүзүлидиғанлиғидин хәвәрдар қилди. – Бизниң тәтқиқатлиримиз шуни көрсәттики, дөләт хизмәтлири – бу аддий хизмәтләрла әмәс, бәлки һаятий әһвалларниң әкси көрүнүши. Мән келип қандақту-бир хизмәтни пайдиланғанда, униң нәтиҗисини күтимән. Биз һазир хизмәтләрни көрситишниң проактивлиқ түригә көчтуқ. Бу чағда хизмәт бизни өзи тапиду. 27 дөләтлик хизмәтниң 17сини проактивлиқ хизмәт түригә алмаштуримиз. Йәни 27 хизмәт түрини реестримиздин елип ташлаймиз, – дәп тәкитлиди А.Балташева. Тәкитләш лазимки, 30-сентябрь күни Ички ишлар министрлиги гражданларни тиркәш хизмитини электронлуқ шәкилгә алмаштурди.

404 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы