• Әхбаратлар еқими
  • 23 Қазан, 2019

«У бизниң алтун акимиз»

Йеқинда Қарасай наһийәсидә исми ривайәткә айланған даңлиқ боксчи вә атақлиқ киноактер Абдурешит Абдрахмановниң хатирисигә беғишлинип, 2004 – 2005, 2006 – 2007-жили туғулған балилар арисида бокс бойичә турнир өтти. Җумһурийәтлик Уйғур этномәдәнийәт мәркизиниң Алмута шәһәрлик шөбиси уюштурған бу чарә-тәдбиргә һамийлиқ қилған мәзкүр шөбә рәисиниң орунбасари, Қазақстан хәлқи Ассамблеясиниң әзаси, Алмутидики «MetallPromGroup» җавапкәрлиги чәкләнгән йолдашлиғиниң баш мудири Долқунтай Абдухелил атақлиқ боксчиниң мухлиси болуп чиқти. Бәхтишат СОПИЕВ, «Уйғур авази» – Мән Абдурешит акини кичигимдин аңлап, уни бир көрүш армини билән өскән едим, – деди турнирниң ечилиш тәнтәнисидә сөзгә чиққан Долқунтай Абдухелил. – Арминим әмәлгә ешип, ахирқи вақитларда униң билән пат-пат дидарлишип турған едим. Униң еғир-бесиқлиғиға, наһайити кәмтарлиғиға һәйран қалаттим. «Исми алтун һәрипләр билән йезиқлиқ» дәп әйнә шу Абдурешит акини ейтса болиду. Биз мошундақ инсанларни унтумаслиғимиз керәк. Бүгүнки турнирниң уюштурулушиғиму әйнә шу нәрсә сәвәп болди. Атақлиқ спортчиниң рәпиқиси мәзкүр турнирни уюштурғучиларға өзиниң миннәтдарлиғини изһар қилип, өмүрлүк җүпти һәққидә өз хатирилири билән бөлүшти. Ейтмақчи, Людмила Александровна шаир һәм язғучи. У кичигидинла шеир вә һекайиләрни йезишқа башлиған. Сәккиз китапниң муәллипи. Униң «Казахстанский бокс. Пассионарий Мингерея Хайрутдинова» дегән китавини «ХХ әсирдики Қазақстан боксиниң жилнамиси» дәп аташқиму болиду. Людмила Абдурахманова кейинки жилларда тәсвирий сәнъәт биләнму шуғулланди. Асасән тәбиәт мәнзирилири әкис етилгән әмгәклири кәспий рәссамларниму һәйран қалдурмақта. Бу рәсимләрни у асасән соға қилишқа адәтләнгән. Абдурешит Абдрахманов билән Людмила Александровнаниң икки қизи бар. Һәр иккиси спорт билән ишқиваз сүпитидә шуғулланмақта. Һазир нәврилириму спортқа йеқин болуп өсмәктә. Шундақла турнирда боксчини яхши билидиған вә униң билән бир сәптә болған достлири һәм инилири Николай Князев, Борис Паиашвили, Хамид Бараев, Жандос Кукумов, Җамал Җамалов, Рәһимҗан Садиқов вә башқилар сөзгә чиқип, кәсипдишини әсләп өтти. Үч күнгә созулған турнирда ғалип чиққанлар мәхсус мукапатларға еришти. Даут Моллахасанов (Тараз) билән Ислам Хакиев (Алмута) турнирниң «әң яхши оюнчилири» аталди. СҮРӘТЛӘРДӘ: 1. Турнирдин көрүнүш. 2. Людмила Абдрахманова билән Долқунтай Абдухелил турнир ғалибини мукапатлаватқан пәйт. Муәллип чүшәргән сүрәт.

523 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы