• Спорт
  • 31 Қазан, 2019

Футбол мусабиқиси өтти

Йолдаш МОЛОТОВ, «Уйғур авази» Мәлумки, кейинки вақитларда Алмута шәһири Жетису наһийәсидә өсмүрләр арисида сағлам һаят тәризини тәрғибат қилиш кәң қанат йейиватиду. Мәсилән, август ейида «Әла Султанқорған» җәмийәтлик бирләшмиси вә наһийәлик Уйғур мәдәнийәт мәркизиниң уюштуруши билән Қазақстанға хизмәт көрсәткән мәшиқләндүргүчи Октябрь Аблизовниң хатирисигә беғишланған өсмүрләр арисида футбол мусабиқисини уюштурған еди. Мана шу әнъәнини давамлаштуруп, өткән дүшәнбә күни 10 — 13 яш арилиғидики өсмүрләр арисида футбол турнири өтти. Турнирға сәккиз команда қатнашти. Мәзкүр мусабиқини өткүзүшниң өзигә чушлуқ тарихи бар, — дәйду «Айнабулақ-4» жутиниң жигитбеши вә наһийәлик мәдәнийәт мәркизиниң рәиси Рамил Шарипов. — Мошуниңдин он бәш жил илгири жутдишимиз Адил Ишановниң оғли Анайәт паҗиәлик вапат болған еди. Адил оғлиниң роһиға атап нәзир-чирақ беришни планлап қойған екән, Биз униңға кәткән хираҗәткә мошу турнирни өткүзүш тәкливини бәрдуқ. У буни хошаллиқ билән қоллиди вә мусабиқини өткүзүшниң барлиқ хираҗитини өз зиммисигә алди. Шуңлашқа мусабиқини Адилниң оғли Анайәтниң хатирисигә беғишлаватимиз. Мусабиқиниң ечилиш тәнтәнисидә сөз алған «Әла Султанқорған» җәмийәтлик бирләшмисиниң рәиси Кәримҗан Қурбанов, Жетису наһийәсиниң баш жигитбеши Низамдун Гәраев вә башқилар яш спортчиларға утуқ тилиди. Кәскин күрәш роһида өткән мусабиқә йәкүни бойичә мукапатлиқ орунларни егилигән командиларға мәхсус кубок вә медальлар тапшурулди. Шундақла мусабиқиниң «Әң яхши һуҗумчиси», «Әң яхши қоғдиғучиси», «Әң яхши дәрвазичиси» ениқлинип, уларғиму соғилар тапшурулди.

98 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы