• Йеңилиқлар
  • 06 Қараша, 2019

Қазақ тили аләмшумуллаштуруш җәриянида

Нур-Султан шәһиридә болуп өткән «Қазақ тилиниң аләмшумуллаштуруш вә миллийләштүрүш җәриянида моҗут болуши» мавзусида өткән биринчи җумһурийәтлик форумниң қатнашқучилири дөләт тилини тәрәққий әткүзүш мәсилилирини муһакимә қилди. Қазақстан Җумһурийитиниң Мәдәнийәт вә спорт министрлиги билән Ш.Шаяхметов намидики «Тіл-қазына» Миллий илмий-әмәлий мәркизи уюштурған мәзкүр форумға 800гә йеқин адәм иштрак қилди. Форум вилайәтлик вә Нур-Султан, Алмута, Чимкәнт шәһәрлик тилларни тәрәққий әткүзүш башқармилири рәһбәрлириниң, барлиқ министрликләр, агентлиқлар. Алий сот, Баш прокуратура, Миллий бехәтәрлик комитети, миллий компанияләр, «Атамекен» Миллий тиҗарәтчиләр палатиси вәкиллириниң, алимларниң, қазақ тили пәни оқутқучилириниң, «Жас Отан» яшлар қанити активистлириниң қатнишиши билән өтти. Дөләт тилини тәрәққий әткүзүш мәсилилиригә беғишланған мәзкүр форумниң асасий мәхсити – қазақ тилиниң алфавитини кириллицидин латин графигиға көчириштин вә аләмшумуллаштуруш җәриянида тил проблемилириға диққәтни җәлип қилиштин ибарәт. Мәдәнийәт вә спорт министри Ақтоты Райимқулова форум қатнашқучилириға мураҗиәт қилип, дөләт тилиниң җәмийәттики ролиниң, униң иқтидарини ечишниң вә алфавитни ислаһат қилиш мәсилисиниң дайим диққәт мәркизидә туруватқанлиғини тәкитлиди. – Адәмләрни тил тәғдири тәшвишләндүриду, чүнки бу — хәлиқ тәғдири. Мундақ чағларда Ахмет Байтурсыновниң «Мәлум тилда сөзләйдиған вә язидиған адәмләр бар екән, демәк, у тил һечқачан йоқимайду. Тилиниң йоқап кетишигә йол қойған хәлиқниң өзиму йоқайду», дегән сөзлири ядиңға келиду. Бүгүнки таңда дөләт тилиға мунасивәтлик елип бериливатқан ишларға йеңичә күч-қувәт бериш вақти кәлди, – деди форумда сөзгә чиққан «Тіл-қазына» Миллий илмий-әмәлий мәркизиниң баш мудири Әлибек Асқар. Форуминиң даирисидә «Илим, билим вә тил», «Бизнес вә тил», «Һоқуқ вә тил», «Аммивий әхбарат мәсилилири вә тил», «Дөләт тилиниң келәчиги –яшларниң келәчиги», «Регионлардики тил әһвалини тәһлил қилиш» охшаш бирқатар секцияләр ишлиди. «Қазақ тилиниң аләмшумуллаштуруш вә миллийләштүрүш җәриянида моҗут болуши» форуминиң йәкүни бойичә тегишлик қарар чиқирилип, уюштурғучилар уни турақлиқ өткүзүп турушқа келишти.

28 рет

көрсетілді

0

пікір
Алдыңғы мақала Елбасы намида атилиду
Келесі мақала Президент пайтәхт мәһкимилиридә болди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы