• Һасан-һүсән
  • 13 Қараша, 2019

Ақ йол тиләймиз

Шәмшидин АЮПОВ, «Уйғур авази» Силәр сүрәттә көрүватқан А.Жубанов намидики қабилийәтлик балиларға беғишланған җумһурийәтлик қазақ ихтисаслаштурулған музыка мәктәп-интернатиниң әлачи оқуғучиси Самир Сейитахунов. Самир бәш йешидин башлап сәнъәткә иштияқ бағлап, фортепиано билән үзлүксиз шуғулланди. Һазир у А.Жубанов намидики музыка мәктивиниң чалғу әсваплар бөлүминиң 6-синипида оқуватиду. Өткән вақит ичидә Самир бирнәччә қетим чалғу әсваплири нәзәрийәси бойичә балилар вә өсмүрләр арисида өткүзүлгән шәһәрлик, җумһурийәтлик вә хәлиқара конкурслар билән фестивальларда мукапатлиқ орунларни егиләшкә муваппәқ болди. Әнди йеқинда Алмута шәһиридә өткүзүлгән хәлиқара яш иҗрачилар конкурсиға қатнашқинида хошаллиғида чәк болғини йоқ. Мәзкүр конкурсқа 200дин ошуқ яш иҗрачи қатнишип, маһаритини намайиш қилди. Тинимсиз мәшиқлиниш, үмүт ичрә интилиш нәтиҗисидә 12 яшлиқ уйғур жигити Самир Сейитахунов мәзкүр байқашниң чалғу әсваплар номинацияси бойичә иккинчи орунни елишқа муйәссәр болди. Бу утуқ уни илһамландуруп, униң үмүтини техиму ашурди. Мәлумки, яш сәнъәткарниң бәлгүлүк чоққиға йетиши үчүн узун мусапини бесип өтүши шәрт. Ойлаймизки, сәнъәткә зор иштияқ бағлиған Самир Сабирҗаноғли бу давандинму сүрүнмәй өтиду. Биз келәчигидин үмүтләндүридиған Самирға ақ йол тиләймиз.

136 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы