• Яшлар жили
  • 13 Қараша, 2019

«Адал ұрпақ» эстафетиси Яркәнткә тапшурулди

Гөһәрбүви ИСМАЙИЛҖАНОВА, «Уйғур авази» Яркәнт шәһиридики Хелил Һәмраев намидики оттура мәктәптә елимизниң Тунҗа Президенти — Елбасы Нурсултан Назарбаевниң көрсәтмиси бойичә елан қилинған «Яшлар жили» даирисидә Алмута вилайәтлик «Адал ұрпақ» мәктәп клуби һәрикитиниң байриғини қобул қилиш мәрасими болуп өтти. Мәрасимға наһийәдики барлиқ мәктәпләрдә тәшкил қилинған клуб әзалири қатнашти. Мәктәпниң Мәҗлисләр залида дәсләп Панфилов наһийәлик Билим бөлүминиң баш мутәхәссиси Улбала Жумағулова сөзгә чиқип, “Яшлар жили” даирисидә «Адал ұрпақ» әзалириниң елип бериватқан ишлирға тохталди: – «Адал ұрпақ» клуби әзалиридики мәхсәт – коррупциягә қарши күрәш елип бериш. Оқуғучи мәктәп дәвридинла униң алдини елишқа интилиши, билим елип, һәрқандақ пәллигә өзиниң билими, күчи билән йетиши керәк. Шуниң үчүнму биз коррупциягә қарши күрәшни мәктәп дәвридинла башлаймиз. Бүгүн бизгә мәзкүр клубниң байриғини Уйғур наһийәлик «Адал ұрпақ» клуби әзалири тәнтәнилик түрдә тапшуриду. Биз бир-биримиздин үгинидиғинимиз интайин нурғун, – деди натиқ. Шуниңдин кейин Уйғур наһийәлик Билим бөлүминиң баш мутәхәссиси Ғәзиз Сәрсебеков сөз елип, мәрасимға қатнишиватқан оқуғучилар билән устазларни тәбриклиди. Клубниң уйғур наһийәлик әзалири өзлириниң нахша-уссуллирини намайиш қилғандин кейин яркәнтлик оқуғучи Ерасил Асылбеков эстафетисини тапшурувелип, қәсәмяд қилди. Мәрасимда Панфилов наһийәси Көктал йезиси Д.Қонаев намидики мәктәпниң «Адал ұрпақ» клуби әзалири коррупция һәққидә сәһниләштүрүлгән қоюлумларни көрситип, нахшиларни иҗра қилип, шеирларни ядқа ейтти. Мошу йәрдә «Адал ұрпақ» мәктәп һәрикити клубиниң Алмута вилайәтлик байқишида Көктал йезисидики Қонаев намидики мәктәп оқуғучилири 1-орунни егиләп, 130 000 тәңгилик сертификат билән тәғдирләнгәнлигини тәкитләш орунлуқ. Ахирида Улбала Жумағулова коррупцияниң җәмийитимиз үчүн әң ховуплуқ екәнлигини, шуниң үчүнму униңға қарши күришиш мәктәп партисидинла қелиплишиш лазимлиғини алаһидә тәкитлиди. «Адал ұрпақ» мәктәп клуби һәрикитиниң байриғи әндиликтә Кербулақ наһийәсигә тапшурулидиған болиду. Панфилов наһийәси.

100 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

03 Наурыз, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы