• Йеңилиқлар
  • 13 Қараша, 2019

Милләтниң бирлиги униң көпхиллиғида

Алмутида әзәрбәйҗан хәлқиниң мәдәнийәт вә әнъәниләр күнлири болуп өтти. Шөһрәт МӘСИМОВ, “Уйғур авази” Мәйрәм даирисидә “Мәмликәтниң күчи хәлиқниң бирлигидә” мавзусида “дүгләк үстәл” өткүзүлүп, униңға этномәдәнийәт бирләшмилириниң, алим вә иҗаткар зиялиларниң, яшлар тәшкилатлириниң вәкиллири тәклип қилинди. Қазақстан хәлқи Ассамблеяси Рәисиниң орунбасари – Қазақстан Җумһурийити Президентиниң Мәмурийити ҚХА Кативатиниң мудири Жансейит Түймебаев меһманларға илтипат билдүрүп, ҚХАниң қоллап-қувәтлиши билән Қазақстанда яшаватқан милләтләрниң мәдәнийәт вә әнъәниләр күнлирини өткүзүшниң әнъәнигә айланғанлиғини тәкитлиди. – Әзәрбәйҗан вә қазақ хәлқини көплигән қәдрийәтләр бирләштүриду. Әзәрбәйҗан мугамлирини қазақ хәлқиниң жыраулири билән селиштурушқа болиду. Хәлиқлиримиз Қорқыт-атани әҗдат дәп һесаплайду, бизни “Китаби Деде Коркуд”, “Кероглы” эпослири бирләштүриду, – дәп тәкитлиди ҚХА Рәисиниң орунбасари. Әзәрбәйҗанлар сани бойичә Қазақстанда яшаватқан милләтләрниң арисида онинчи орунда туриду, улар 2007-жили “Әзәрбәйҗанлар ассоциацияси” җумһурийәтлик җәмийәтлик бирләшмисини қурди. Бүгүнки таңда мәмликәтниң он бир регионида ассоциация шөбилири ишләватиду. Уларда Қазақстанниң дөләт тилини, шундақла әзәрбәйҗанларниң тарихини, әнъәнилирини вә тилини үгиниш бойичә мәшғулатлар жүргүзүлиду. Жансейит Түймебаев қазақстанлиқларниң олимпиада чемпиони Ниҗат Рагимов, дуния чемпиони Галиб Җафаров билән пәхирлинидиғанлиғини, Әзәрбәйҗанлар ассоциациясиниң вәкили, депутат Магеррам Магеррамовниң Парламент Мәҗлисидә ҚХА мәнпийәтлиригә утуқлуқ вакаләтлик қиливатқанлиғини тәкитлиди. Хәйрихаһлиқ – ассоциация паалийитиниң муһим йөнилишлириниң бири. Ассоциация һәр жили нака балилар интернатлирини җөндәшкә мәбләғ бөлиду, балилар өйлиригә, көпбалилиқ вә һал-оқити төвән аилиләргә, қериларға ярдәм қиливатиду. Буниңдин ташқири Әзәрбәйҗанлар ассоциациясиниң рәиси Абилфас Хамедовниң тәшәббуси билән Алмута шәһиридики С.Муқанов намидики сквер реконструкция қилинди. – Келәр жили ҚХАниң 25 жиллиғини, әл-Фарабиниң 1150 вә Абайниң 175 жиллиқ тәвәллудлирини нишанлаймиз. Биз мошу чарә-тәдбирләрни муһакимә қилишимиз вә уларға тәйярлиқ көрүш бойичә өз тәклиплиримизни беришимиз керәк, – дәп тәкитлиди Жансейит Түймебаев. – Келәр жил шундақла мәмликәт рәһбәрлиги вә Елбасы Нурсултан Назарбаевниң сәясити түпәйли течлиқ вә разимәнлик һөкүм сүргән елимиз мустәқиллигиниң 30 жиллиғиға тәйярлиқ көрүш җәһәттинму муһим болуп һесаплиниду. ҚХА алдида җәмийәтлик разимәнликни дайим күчәйтиш вәзиписи туриду. Бизниң мәвқәмиз – милләтниң бирлиги униң көп хиллиғида. Мәйрәм даирисидә китап, тәсвирий сәнъәт, миллий кийимләр, таамлар көргәзмилири уюштурулди. “Бахар” кавказ уссуллири ансамбли жиғилғанларға хошаллиқ дәмләрни һәдийә қилди.

389 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы