• Йеңилиқлар
  • 20 Қараша, 2019

Яшлар жилидики яхши ишлар

Йеқинда “Рәқәмлик яз – 2019” программиси түпәйли бир топ яшлар өзлири арман қилған ишларға орунлашти. Мәзкүр программа яш вә талантлиқ мутәхәссисләрни “Самруқ Қазына” фонди ширкәтлириниң топиға таллавелишқа мүмкинчилик яратти. Насирахун РОЗАХУНОВ, “Уйғур авази” Фонд башқармисиниң рәиси Ахметжан Есимов бу программиға иҗабий баһа бәрди. Чүнки SAP, Microsoft, Oracle, Cisco, HP, IBM, Huawei охшаш чоң ширкәтләрниң мәһсулатлири билән ишләп, тәҗрибә топлаш программиниң әҗайип алаһидиликлириниң бири. Буниңдин ташқири программа “Жас Самруқ” лайиһиси даирисидә әмәлгә ашурулуватиду. Әнди мәзкүр лайиһә болса, Яшлар жилида алий оқуш орунлирини тамамлиған яшларни қоллап-қувәтләшкә вә тәрәққий әткүзүшкә беғишланған. IT саһасидики технология һәм чапсан конирап, һәм чапсан йеңилиниватиду. Шундақ екән “Рәқәмлик яз – 2019” программиси мәмликитимизниң талантлиқ яшлириға әмәлиятта өзиниң билим дәриҗисини намайиш қилиш имканийитини бериватиду. Үстимиздики жили программиниң шәртлири хелә мурәккәпләшти. Шуниңға қаримай, 78 стажер өзлириниң күчлүк тәрәплирини намайиш қилди вә мәмликитимизниң әң яхши IT мутәхәссислиридин әмәлий иш-тәҗрибисини елип, риқабәтчан болуш үчүн илғар йеңилиқларни қандақ пайдилинишни үгәнди, – дәйду “Самруқ-Қазына” Миллий паравәнлик фонди” акционерлиқ җәмийитиниң рәқәмләштүрүш вә трансформация бойичә башқурғучи мудири Дәурен Керейбаев. “Рәқәмлик яз – 2019” программисиниң иккинчи басқучи IT технологияси саһасидики алтә йөнилишни өз ичигә алди. Яш мутәхәссисләр 17-июньдин 29-август арилиғида Қазақстанниң бирқатар йетәкчи ширкәтлиридә стажировкидин өтти. Һәрбир стажер үч ай давамида 50 миң тәңгидин стипендия елип турди. Ахирқи басқучта студентлар бир һәптә давамида һәқиқий бизнес-вәзипиләрни һәл қилиш үстидә әмгәк қилди. Уларниң он бири фонд ширкәтлириниң топиға турақлиқ ишқа қобул қилинди. Улар стажерлардин ширкәт хадимлириға айланди. Шуни қошумчә қилиш керәкки, өткән жили 73 яш IT мутәхәссисниң 33 стажировкидин муваппәқийәтлик өтүп, ишқа қобул қилинған еди. Бу программа фондта яхши әнъәнигә вә алий оқуш орнини тамамлиған яшлар үчүн муваппәқийәтлик стартқа айланди. Келәчәктә йәниму нурғун яшларниң ишқа орунлинишини күтимиз.

27 рет

көрсетілді

0

пікір
Алдыңғы мақала Һәмкарлиқ мунасивәтләр күчийиду
Келесі мақала Пайтәхттә вәтәнпәрвәрлик нахшилар фестивали өтти

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *