• Мукапат мубарәк!
• 20 Қараша, 2019

Малийә саһасидики утуғи баһаланди

Мәлумки, һәр жили елимиздә 15-ноябрь — Миллий валюта вә малийә хадимлири күни нишанлиниду. Бийилму бу сәнә дағдуғилиқ атап өтүлди вә Қазақстан Җумһурийити Миллий Банки рәһбәрлиги җай-җайлардики бөлүмчилиридә өзлириниң адиллиғи вә тиришчанлиғи билән пәриқләнгән хадимлириға мәхсус мукапатларни тапшурди. Мәшүр САСИҚОВ, «Уйғур авази» Уларниң арисида Гүлнарәм Абдуллаеваму бар. У ҚҖ Миллий Банки Алмута вилайәтлик шөбиси тәрипидин Тәшәккүрнамә вә тәвәллудлуқ монета билән тәғдирләнди. Әнди мукапат егиси һәққидә икки еғиз сөз. Гүлнарәм Абдуллаева Ғалҗат оттура мәктивини 1990-тамамлап, Ташкәнт дөләт ихтисат университетиниң бухгалтерлиқ һесап вә аудит факультетиға оқушқа чүшиду. Уни әла баһаларға түгәткәндин кейин Чонҗа йезисиға қайтип келип, бирнәччә жил «Қазпочта» бөлүмчисидә ишләйду. Андин 2008-жилдин «Халық Банк» бөлүмчисини башқуриду. У һазир мәзкүр банкниң Қарасай наһийәсидики бөлүмчиләрниң биригә рәһбәрлик қилмақта. Таллиған кәспи бойичә көплигән утуқларға қол йәткүзгән Гүлнарәм Абдуллинқизи банк саһасида илғар атилип, 2009-жили Астана шәһиридә өткән Аяллар қурултийиға қатнашқан еди. Көплигән кәсипдашлиридин пәриқләнгән һалда миллитимиз арисидин чиққан кәспий банк мутәхәссиси Гүлнарәм Абдуллаеваға мукапат мубарәк дегәч, униң техиму егиз чоққилардин көрүнүшигә тиләкдашлиқ билдүримиз.